Sisorarfiit nutaamik illiniliuutitaarnissaat itigartitsissutigineqarpoq

Nuummi Sisorarfiit nutaamik illiniliuutitaarnissartik pisariaqartippaat Nuummi Najukkami ataatsimiititaliamut aningaasanik qinnuteqarlutik. Ataatsimiinnermili ippassaani ingerlanneqartumi qinnuteqaat itigartitsissutigineqarpoq.

Nuummi Najukkami Ataatsimiititaliap sisorarfimmi nutaamik illiniliuuteqarnissamik pisariaqartitsineq akuersaarpaa aammalu Nuummi pitsaassuseqarluartunik alpinimik sisorarfissaqarnissamik sisoraatinik arpaffissaqarnissaa pingaaruteqarnerarlugu.

- Aningaasaqarnermut Ataatsimiititaliap Najukkami Ataatsimiititaliap aningaasanik tamanut aningaasat atugassai 2019-imi immikkoortunut pingaarnernut arfinilinnut agguaanneqarnissaat ulloq 13. decembari 2018 akueraa, taamaalilluni aningaasat sapinngisamik siamasissumik ukioqassutsinilu tamani innuttaasunut amerlanerpaanut iluaqutissanngorlugit atorneqassallutik. Najukkami Ataatsimiititaliaq taamaalilluni siunertamut ataatsimut ukiumut missingersuutit tamarmiusut amerlanersaasa tapiissutiginissaannut periarfissaqanngilaq, najukkami ataatsimiititaliap apriilip qulingiluaani ataatsimiinnerminni taama aalajangerpoq.

Innersuussineq

Nuummi Najukkami Ataatsimiititaliap Sisorarfiit innersuuppaa ajornartorsiutip aaqqiivigineqarnissaa pillugu kommunimut saaffiginneqqullugu.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS