Skip to main content

Sisoraatinik timersuummi sakkortuumi unammerngaartoq

Kalaaleq Laila Friis-Salling qanittukkut sisoraatinik timersuummi sakkortuumi ´halfpipe´-mik taaneqartartumi nunanit tamalaaneersut USA-mi unammineranni unammerngaarpoq. Unamminermi normu 14-inngorpoq

– Nuannaaqaanga, naatsorsuutigisattutullu unammineq sakkortoqaaq,, Laila Friis-Salling naalagaaffimmi Utah-mi World Cup US grand prix-imi peqataareerluni oqaluttuarpoq.

Laila Friis-Salling halfpipe-mi unamminermi peqataasunit 21-nit normu 14-inngoreerluni Californiami angerlarsimaffimminut Mammoth-imut uteqqammerpoq.

Halfpipe unammiffiuvoq u-tut isikkulik sivingasuunik iigalik, unammisut illua'tungaanit illua'tungaanut pississaarlutik tricks-erlutillu sisusarlutik, naliliisartunillu dommereqartarput.

Peqataasut nunarsuarmi kakkannerpaat ilagaat, Laila Friis-Salling-ilu siullerpaamik World Cup-imi unammeqataavoq.

Laila Friis-Salling siorna DM-eqarnerani kuultinnakkami Sermitsiaq.AG-mut oqaluttuarpoq ukiumi nutaami nunai tamalaani unammiuaartarnerni peqataasalerniarluni. Taamaasiorporlumi.

Unamminissamut piareersarluarsimanngilaq

Laila Friis-Sallingip siullerpaanut ilaannginneranut pissutsit atugassarisat pissutaasimapput.

– Mammoth-imi aputeqarpiarsimanngilagut taamaattumillu tamakkiisumik sungiusarsinnaasimanngilanga. Tamatuma saniatigut timmisartortitseqatigiiffiup sisoraatikka tammaasimavai, taamaattumik ulloq sungiusarfik siulleq uninngaannartariaqarsimavunga. Unamminermili peqataavunga normu 14-inngorlungalu, taamaattumik ataatsimut isigalugu nuannaaqaanga, Laila Friis-Salling Sermitsiaq.AG-mut oqaluttuarpoq.

Maanna Mammoth-imi angerlarsimaffimminut utereerpoq, sivikitsuinnarmilli. Marsip 8-anni Frankrigimi World Cup-imi unamminermi peqataaqqissaaq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER