sisoraatinik oqilaniunneq
Sisoraatinik oqilaniuttartoq ajoquserami sæsonip sinnerani peqataasinnaajunnaarpoq
Kalaaleq sisoraatinik oqilaniuttartoq Karl-Peter Kristensen sæsonip sinnera unammisinnaajunnaadrpoq nissumigut saamerlikkut siffissamigullu ajoqusernini pissutigalugu
Sisoraatinik oqilaniuttartoq 25-nik ukiulik Karl-Perter Kristensen Aasianneersoq, sæsonip sinnerani sisoraatinik oqilaniunnermi unammeqataasinnaajunnaarpoq nissumigut saamerlikkut siffissamigullu ajoqusernini pissutigalugu.
Taamatut Sermitsiaq.AG-mut nalunaaruteqarluni allappoq.
Ajoqusernerit uteqqittut
Taamaasilluni nunatsinni pissartanngorniunnissami kiisalu Arctic Circle Race-mi, Sisimiuni ingerlanneqartussami, siorna normu 2-ngorfigisamini, peqataasinnaanngilaq.
– Decembarimiilli ajoquteqallattaarsimavunga. Januaarimi DM sioqqutilaarlugu piareeqqippunga, unamminernilu marlunni peqataareerlunga ajoquseqqillunga. Kingorna unammeqataasinnaasimanngilanga maannalu sæsonip sinnerani peqataasinnaajunnaarpunga, taanna oqarpoq.
Ikiorneqarpoq
Taanna oqarpoq Tronsømi fysioterapi-mit timersortartullu nakorsaannit (norskit arsaannermi nunanut allanut unammisartut nakorsaannit) ikiorneqarluni.
– MR-scanningimi misissuinerit inerneri paasigutsigit uteqqinnissannut ikiussavaannga, sisoraatinik oqilaniuttartoq oqarpoq.
Sæsoni aallartilluaraluarpaa novembarimi Finlandimi unamminerni pingasuni kiisalu decembarimi Østrigimi unamminermi angusarissaarluni. Taakkunani pisaanerpaamik angusigami 127 aamma 123-nik fispointinnappoq, sæsonimit kingullermit siuariarluni. Aamma januaarimi Danmarkimi pissartanngorniunnermi sølvinnallunilu bronzenappoq.
DTaanna Norgemi Tromsømi najugaqarpoq universitetimi atuarluni.