Sisimiut: Takornarialerineq ineriartortinniarlugu takornarialerisut kateripput
Ullut tulliuttut pingasut Destination Arctic Circle-mi takornarialerisut ataatsimeersuarlutik isumasioqatigiillutillu kateripput
Annonse
Suleqatigiinneq, tunisassiat nittarsaassinerlu.
Taakku qulequtaralugit Qeqqata Kommuniani takornarialerisut kateripput.
Takornariat amerliartortut
Takornariaqarneq pillugu isumasioqatigiinnermut peqataasut 68-iupput, 44-t Qeqqata Kommuniani takornarialerisuullutik, saqqummisut 16-it avataaniillu tikillutik peqataasut arfineq pingasuupput.
Katerinnermut ilaatigut ima allattoqarpoq:
- Angalasariaaseq allanngortussanngorpoq, Naalakkersuisut suli aalajangigassanik amigaateqarput tassunga tunngatillugu. Ineriartornermut peqataasariaqarpugut, taamaattumik oqaloqatigiittuarnissaq pisariaqarpoq. 2018-mi takornarialerinermut kisitsisit ilaatigut ima imaqarput:
- Unnuisartut amerliartorput
- Danskit takornariat ikiliartorput
- Nunanit allaneersut takornariat amerliartorput
- Timmisartukkut angalallutik takornariat ikileriarput
- Umiarsuarnik takornariutinik ilaallutik takornariat amerliartorput