Sisimiut: Pinerluuteqarsimasunut inissiisarfimmiit qimaasimasut tigusarineqarput
Sisimiuni politiit angutit marluk, Sisimiuni pinerluuteqarsimasunut inissiisarfimmit qimaasimasut ujaaraat. Politiit ilisimatitsipput ujaarineqartut inissiisarfimmut uteqqissimasut.
OBS: Politiit nutaamik paasissutissiimmata allaaserisaq nutarterneqarpoq.
Angutit marluk, Sisimiuni pinerluuteqarsimasut inissiisarfiannit nal. 18.30 missaani qimaasimasut politiinit ullumi ujaarineqarput. Politiit ilisimatitsipput ujaarineqartut marluk maanna inissiisarfimmiitinneqaqqilereersut.
- Ujaarineqartut tassaapput Oliver Johansen aamma William Sandgreen Bourup, politiit ilisimatitsipput.
Oliver Johansen:
- Angut
- 170-175 cm missaani angitigisoq
- Qernertumik kavaajaqarpoq tuiatigut qaqortunik titarneqartumik, qarliit tungujortut kondiskollu atorpai.
William Bourup:
- Angut
- 180 cm missaani angitigisoq
- Tuattoq
- Qernertumik nasaasartalimmik kavaajaqarpoq, Adidasinik qernertunik, sinaatigut qaqortumik titarnertaqartunik qarleqarpoq, qernertunillu kameqarluni.
- Oliver aamma William sumiinnersut ilisimagaanni, sumiissimaneriluunniit ilisimasaqarfigigaanni, politiit pigaartuinut ullup qanoq ilineraniluunniit saaffiginnittoqarsinnaavoq tlf. +299 70 14 48, politiit allapput.
Politiit ilisimatitsipput inuit pinerluuteqarsimasunut inissiisarfimmit qimaasimasut toqqorsimatikkaanni pinerluttulerinermut inatsit naapertorlugu pineqaatissinneqartoqarsinnaasoq.