Sisimiut: Angut inuusuttoq politiinit qimaasoq
22-nik ukiulik Frederinnguaq Svendsen Qeqqata Politiivinit ujaarineqarpoq
Sisimiuni politiit Frederinnguaq Svendsen ujaaraat.
- Frederinnguaq Svendsen politiinit paarigallarneqassasoq eqqartuussivimmit aalajangerneqarpoq. Ujaarineqartoq napparsimavimmiinnermini politiinit qimaavoq nalunaaqutaq 14.15 ullumi pingasunngornermi, politiit tusagassiutinut nalunaaruteqarput.
Frederinnguaq Svendsen ima isikkoqarpoq:
Angut, 180 centimeterit missaannik takissuseqartoq, tuattoq, taartumik teqqialik, taartumik kavaajaasalik, qarlii tunguusamik qalipaatillit Adidas-it qenertunillu kamippaqarluni.
Nukersorsimasutut pasineqartoq
Angut ujaarineqartoq nakuusersimasutut pasineqartoq politiit ilisimatitsissutigaat, taamaattumik angut sumiissusersineqarpat politiit erngertumik nalunaarfigeqquneqarput.
Frederinnguaq Svendsenip sumiinneranik ilisimannittut politiinut sianeqquneqarput telefonimut 701322-imut imaluunniit 701448-mut.