Torrak!
Sisimiut Kunngissaq Frederimmut isikkiviliivoq
Sisimiut eqqaani isikkivimmi kunngissap naalagaaffeqatigiinnermi ajunngitsumik sunniuteqarnera messingimik kigartukkamik takussutissalerneqassaaq
Kunngissap Frederiup Issikivia - imaluunniit Kronprins Frederiks Plads.
Messingimi kigartukkami Sismiut ungasinngisaani ikkunneqartussami taamatut allaqqasoqassaaq.
Arctic Circle Racep 20-issaanik ingerlanneqarneranut kunngissallu peqataaneranut atatillugu aaqqissuisutoqqat ilaat kunngikkormiunut akuersissummik piumavoq.
Assaqutap eqqaaniittoq
- Akuerineqarpugut, kisianni soorunami arpaqataasut allat assigalugit, arpaffiusumi naalagaaffeqatigiit pingasut erfalasuit takugamigit tupaallappoq, ACR-imik 'pilersitsisoq' Larseeraq Skifte Sermitsiaq.AG-mut oqarpoq.
Qanittukkut Assaqutap tungaani portunersami messingimik kigartukkamik ujaqqamut ikkussisoqassaaq.
- ACR-ip ukiut 20-inngortorsiorneranut kunngissallu peqataaneranut atatillugu naalagaaffeqatigiinneq anersaamik pitsaasumik malunnartissallugu pingaaruteqartoq isumaqarpunga, Savalimmiormiumillu aamma peqataasoqariaratta (Pætur Jørðdal Niclasen), Larseeraq Skifte oqarpoq.
Pinngortitami malunnartitsineq
Taassumalu inissisimanera Sisimiut illoqarfiata qeqqaniinnginnera pissutissaqarluartoq, taanna oqarpoq.
- Nunatsinni pinngortitaq kusanarnerpaat ilaanniitillugu, aamma kunngissap arpannermi peqataanera pissutigalugu tulluassasoq isumaqaratta.
Video takuuk: Kunngissaq normu 52-iulluni apuuppoq
Kisianni messingi kigartugaq naalagaaffeqatigiinnermuinnaq pinngortitamullu kisimi tunngassuteqanngilaq, Skifte suliffeqarfimmi annertusigaluttuinnartumi Igloo Mountainimik ingerlatseqataasoq oqarpoq.
- Meeraasa ataatartik tulluusimaarutigisinnaagaat isumaqarpunga! Kunngikkormiutut ataqqinassuseqartuuvoq, kisianni aamma ACR naammassisinnaammagu torrattorujussuuvoq.
Qaqqap qaanik taagutiliorneq Arctic Circle Racep aqqutaani taaguusersuinermut ileqquusumut ilaavoq.
Allaaserisat Sisimiunut tunngasut tamaasa uani atuakkit