Sisimiut eqqaani ajunaalernermi kalerrisaarut aallartissimasoq
Sisimiut eqqaani inummik ujaasisoqarpoq ippassaq tallimanngormat.
Issittumi Sakkutuut politiinut nalunaarput ajunaalernermut kalerrisaarut aallartinneqarsimasoq tallimanngormat nalunaaqutaq 12.34.
- Sisimiut kangiata tungaani kilometerit qulit missaanni ungasitsigisumi kalerrisaarut Garmin InReachimeersoq aallartinneqarsimasoq nalunaarfigineqarpugut. Taanna pereersoq qulimiguulimmik inummik ujaasisoqalerpoq, ujaarineqartorlu nassaarineqarpoq, politiinit Carl Sværd Sermitsiaq.AG-mut oqarpoq.
Ajunaalernermut kalerrisaarisoq nassaarineqarpoq, taanna takornariaavoq, apummi kiggugussaaqqasoq nassaarineqarpoq.
- Takornariaq apummi ulortoorsimagami pisoqqissinnaasimanngilaq. Taanna Sisimiut napparsimaviliaanneqarpoq, Carl Sværd oqarpoq.
Garmin InReach qaammataasatigut attaveqaateqarpoq, ajunaalernermi kalerrisaarut tooraanni annaassiniaasartunut attaveqaataasarluni.