attaveqarneq

Sisimiunut attaveeruppoq

Oqarasuaatit internet nunalu tamakkerlugu radio tv-lu Sisimiuni qanittuanilu nunaqarfinni attaveerupput

Sisimiunut eqqaanullu internettikkut attaviit tamarmik qaminngapput.

Ilaquttat ikinngutilluunniit Sisimiunut iluatsinngitsumik sianerfigeriaraluarsimagukkit kisimiinngilatit. Tele Post nalunaarpoq tele aqqutigalugit attaveqaatit tamarmik Sisimiuni eqqaanilu attaveeruttut.

Tele aqqutigalugu Sisimiunut, Itillimut, Sarfannguanut aamma Kangerlussuarmut attaveqaatit marlunngornermi unnukkut nalunaaqutaq 22.55-ip missaani attaveerupput.

- Ajornartorsiut aaqqinniarneqartoq ajoraluartumik iluatsinneqanngilaq, taamaasilluni Nuummiit Sisimiunut atortunik tekniikerimillu aallartitsisoqartariaqalerluni. Tekniikererput Sisimiunut apuunnissaa naatsorsuutigaarput, ullup qeqqartinnagu pissasoq, Tele Postimi teknikkimut pisortaagallartoq Kim Schwartz nalunaarpoq.

Powered by Labrador CMS