Skip to main content

Sisimiuni Unnuarissat aallartipput

Sisimiuni meeqqat qulit ataallugit ukiullit amerlasut unnuap qeqqata kingorna aneertarput. Unnuarissatut aallartittut takusatik tupigusuutigaat

Sisimiuni unnuarissat aallartipput unnuaanerani illoqarfimmi pisuttuarnikkut meeqqanut inuusuttuaqqanullu angalaannartunullu qanilaassusermik akisussaassuseqarnermillu takutitsisartussat. Sisimiuni Unnuarissat siullermeerutaasumik sapaatip akunnerata naanerani unnuami pisupput pisariaqartinneqarnerallu ersarilluarpoq.

Niels Nielsen Nuummi Unnuarissaneersoq aamma Dan Taxbøl Danmarkimeersoq Sisimiuneeqqammerput innuttaasunik ataatsimiisitsinerup saniatigut Unnuarissat suleriaasissaannik ilitsersuiartorlutik. Unnuarissat aqutsisussaannik toqqaasoqarpoq ileqquusumik martsip 14-at ataatsimeersuarnissap tungaanut Merete Smith-Sivertsen aqutsisutut toqqarneqarluni.

Unnuarissat misiliillutik arfininngornermi unnuakkut pisuttuarput tassanilu peqataasut tupaallaatigaat meeqqat inuusuttullu unnuami aniiginnartut amerlammata.

- Qularutissaanngilaq Unnuarissat Sisimiuni pisariaqartinneqarnerat. Pisuttuarnermi siullermi meeqqat inuusuttuaqqallu arfineq pingasuniit qummut ukiullit 50-60-it missaanniittut unnuap qeqqata kingorna aniiginnartut naapippagut, Merete Smith-Sivertsen oqarpoq.

Sisimiuni Unnuarissat tullianik Sisimiuni pisuttuarniarput arfininngorneq januarip 25-at.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER