Qeqqata Kommunia

Sisimiuni sulisut ukiuni 40-ni nalliuttorsiortut

Ilinniartitsisoq aamma Qeqqata Kommuniani innuttaasunik sullissivimmi immikkoortoqarfimmi pisortaq, ukiuni arlalinni inuiaqatigiinnut sullissisimanerat pillugu tallimanngormat nalliuttorsiutigineqarput

Karl Kristian Olsen havde fredag 40 års jubilæum som lærer. Her ses han sammen med borgmester i Malik Berthelsen Qeqqata Kommunia
Jubilaren holder tale
Sara Poulsen, der er afdelingsleder i s borgerservice, havde ligeledes 40 års jubilæum Qeqqata Kommunia
Jubilaren holder tale Qeqqata KommuniaSara Poulsen, der er afdelingsleder i Qeqqata Kommunias borgerservice, havde ligeledes 40 års jubilæum Qeqqata KommuniaKarl Kristian Olsen havde fredag 40 års jubilæum som lærer. Her ses han sammen med borgmester i Qeqqata Kommunia Malik Berthelsen Qeqqata KommuniaJubilaren holder tale Qeqqata KommuniaSara Poulsen, der er afdelingsleder i Qeqqata Kommunias borgerservice, havde ligeledes 40 års jubilæum Qeqqata KommuniaKarl Kristian Olsen havde fredag 40 års jubilæum som lærer. Her ses han sammen med borgmester i Qeqqata Kommunia Malik Berthelsen Qeqqata KommuniaJubilaren holder tale Qeqqata Kommunia

- Uteriitsoq, isummaminillu anitsisartoq.

Karl Kristian Olsen-ip, ulluinnarni Ujuuki, ilinniartitsisutut ukiuni 40-ni nalliuttorsiorneranut atatillugu atuarfimmi pisortap, borgmesterillu ilaatigut tamak oqaatigaat.

Nalliuttorsiorneq tallimanngornermi Sisimiuni ingerlanneqarpoq.

Ujuuki ukiuni 33-ni Nalunnguarfiup Atuarfiani ilinniartitsisutut sulivoq, 1977-imilu 23-t missaanik ukioqarluni ilinniartitsisutut ilinniakkaminik naammassinnilluni.

- Karl Kristian Olsen siullersaalluni suliffimmut isertarpoq, tunuarsimaartuunanilu. Assersuutigalugu akissarsiat assigiinnginneri pillugit, akuerisaanngitsumik akerliussutsimik takutitseqataavoq, tamannalu pillugu akissarsiamigut ullormik ataatsimik ilanngaavigineqarluni, atuarfimmi pisortaq Riikki Grønvold peqataasut nuannarilluagaannik oqaluttuarpoq.

Borgmesterip Malik Berthelsen-ip Ujuuki aamma ilinniartitsisorisimavaa, oqalugiaamminilu Ujuukip timersortartut klubbiani SAK-mi kiisalu inuiaqatigiinnut sullissinissaminut piumassuseqarnera erseqqissaatigivai.

Ilinniartorpassuit ilinniartissimagai

Nalliuttorsiortup aappaa, Sara Poulsen aamma ukiuni 40-ni sulisimanera pillugu nalliuttorsiutigineqarpoq. Taanna Qeqqata Kommuniani innuttaasunik sullissivimmi immikkoortoqarfimmi pisortaavoq.

1980-imili Sara allaffimmi assistentinut ilinniarnerminik naammassigami, pisortat suliffeqarfiini assigiinngitsuni sulisarsimavoq.

Siullermik Minngortuunnguup Atuarfiani allaffimmi assistentitut sulisimavoq. 1985-imi Kulturimut Ilinniartitaanermullu ingerlatsiviani assistentitut, ukiullu marluk qaangiummata overassistentitut sulisimalluni. 1995-imi ingerlatsivimmi tassanerpiaq
immikkoortortaqarfimmi pisortanngorpoq.

2005-imiilli Innuttaasunik Sullissivimmi immikkoortortaqarfiimi pisortanngorpoq, ulloq mannalu tikillugu suli pisortalluni. Suliffimmilu saniatigut Aalborg Kommunimi ukiup affaa atorfilittatut paarlaaqatigiikkiartorsimavoq innuttaasut sullinneqartarnerat pikkorissarfigalugu, ilikkakkanilu Sisimiut Kommuniani, maanna Qeqqata Kommunerisaani, atorluarlugit.

- Sara Poulseni innuttaasunik sullissinermi misilittakkani atorluarlugit ilinniartut arlallit ilinniartittarsimavai, innuttaasunillu sullissivimmi pitsanngorsaatit ineriartornerillu assigiinngitsut aqqusaarsimallugit, skrivemaskiinaniik qarasaasianut, innuttaasut
angerlarsimaffimminniit namminneq imminnut kiffartuussinnaalernerat tikillugu, Qeqqata Kommunia allappoq.

Powered by Labrador CMS