Sisimiuni pineqaatissinneqarsimasut inissiisarfiannit pingasut allat aamma qimaasimapput
Sisimiuni pineqaatissinneqarsimasut inissiisarfiannit inuit pingasut allat qimaasimasut politiit maanna ujaaraat. Inuk ataaseq qimaasimasoq ukiutoqqaminili aamma ujaarineqalerpoq.
Annonse
Inuit pingasut, Sisimiuni pineqaatissinneqarsimasut inissiisarfiani pineqaatissinneqartussatut isertinneqarsimasut, Sisimiuni politiit ujaaraat.
Uku pineqarput:
Hans Kunuk Berthelsen
Frederinnguaq Svendsen
Berthel Ugpernanngitsoq
Politiit erseqqissaatigaat ujaarineqartut takunnittunit tigusariniarneqassanngimmata.
Taassuma saniatigut Kalaallit Nunaanni Politiit ilisimatitsissutigaat pineqaatissinneqarsimasut qimaasimasut ikioraanni pinerlunnerusoq.
Ulrik Lennert, Sisimiuni pineqaatissinneqarsimasut inissiisarfianniit decembarip 31-ani qimaasoq, Sisimiuni politiit suli ujaaraat.
Inuit sisamat ujaarineqartut sumiinnersut ilisimagaanni, Kalaallit Nunaanni Politiit attavigineqassapput, uunga sianerluni 701448.