Skip to main content

Sisimiuni nuna sajuttoq

Sisimiuni innuttaasut arlallit nunap sajunneranik ippassaq unnukkut malugisaqarput kingornalu qaarpallannernik tusagaqarlutik. GEUS-ip uppernarsarpaa Sisimiut kangiani nunap sajunneranik uuttuisoqarsimasoq.

GEUS uppernarsaavoq Sisimiut kangiani nunap sajunnera Richterskakami 1,5-itut uuttorneqarsimasoq ippassaq ippassaq unnukkut nalunaaqutaq 22:23 uuttorneqarsimasoq.

- Nalunaarsuinermi uuttorneqartoq annertugisassaanngilaq. Nunap sajuttup qiterpiaata sumiissusersiniarnera ajornakusoorsimavoq, uuttuut Kangerlussuup eqqaaniittoq kisimi uuttuutigineqarsimammat. Uuttuutit nalunaarsorneqartut pitsaanerussasuuppata naliginnaasumik uuttuutit marluk pingasulluunniit atorneqartussaagaluarput, Majken Djurhuus Poulsen Sermitsiaq.AG-mut nassuiaavoq.

Sajunnerit marluk

Sisimiuni innuttaasut GEUS-imut nassuiaanerat naapertorlugu nunap sajunneri marluusimapput. Nunap sajunneri akunnerup aappaa avillugu akuttussuseqarsimapput, kingullerlu unnukkut aqqarngup qiteqqunnerata missaani malugineqarsimalluni.

- Aappassaanik nuna sajummat sakkortunerusimavoq, kangerluullu iluani qanngorpallattoqarsimalluni. Saaffiginnittup allap nassuiaatigaa qaarpallannik marlunnik tusarsimalluni, allalu oqaluttuarpoq qaarpallanneq Nuummi aamma tusaaneqarsimasoq, Majken Djurhuus Poulsen ilisimatitsivoq.

Nunap sajunnerisa aappaannaa Kangerlussuarmi seismologiskimik uuttuummi uuttorneqarsinnaasimavoq.

- Nunap sajunneri inoqarfinnut qaninnerugaangata tusakkajupparput innuttaasut sakkortunerusutut misigisaqartartut, ungasinnerugaluarpata sakkukinnerusumik misigissavaat. Ernummatigineqartariaqanngillalli, GEUS-imiit nassuiaatigineqarpoq.

Qaarpallannerit marluk nassuiaatissaqanngitsut

GEUS innuttaasunit Sisimiuni qaartoqarpallannernik marlunnik Nuummilu qaartoqarpallannermik ataatsimik tusarsimasunit saaffigineqarsimavoq.

Nuulli eqqaani uuttuutit arlaannaalluunniit nunap sajunneranik uuttuisimanngilaq.

- Nassuiaatissaqartinngilarput sooq qaarpallattunik marlunnik tusartoqarsimanersoq. Imaassinnaasoq nuna marloriarluni sajussimasoq, aappaannaalu uuttorneqarluni. Imaluunniit qaarnerup aappaa tassaasinnaavoq nipi kingusinaarnerulluni tutsiuttoq. Allalli aamma peqqutaasinnaapput, suli iluamik ilisimasaqarfiginngisagut, soorlu illut qaarsuniikkajuttarput cementinik toqqaveqartinneqarlutik. Taamaammallu qaarsut qallerneqaraluttuinnarneri pissutaallutik nipit ersarinnerusutut tusaaneqarsinnaasimasinnaapput.

Innuttaasut nunap sajunneranik malugisaqarsimasut qaarpalunnernilluunniit tusaasaqarsimasut GEUS-imut saaffiginneqquneqarput. Saaffiginnissinnaavutit una toorlugu.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER