Sisimiuni meeqqat illuannut 560.00 koruunit

1.012.221 koruunit.

Ajunngitsuliorlutik attaveqarfiit Nuummi klubbiat Ladies Circle ukiuni marlunni kingullerni Nanu Børnip Sisimiuni meeqqat illuannut suliniutaannut aningaasanik taama amerlatigisunik tunniussivoq.

Ataatsimeersuarnermi tunniunneqartut
Ladies Circlep tunissuteqarnermi kingullermi 562.221 koruunit Ladies Circlep aamma Round Tablep nuna tamakkerlugu apriilip 22. - 24-ani Fredericiami ataatsimeersuarneranni tunniuppaat.

Checki erinarsortartumit Søs Fengerimit aamma Heine Stilling Jensenimit Nanu Børnimi siulersuisunit ilaasortamit tiguneqarpoq.

2015-imi ataatsimeersuarnermi Nuummi klubbip Nanu Børnimut 450.000 koruunit tunniuppai.

Suliniut
Taakku aningaasarpassuit qallunaat Ladies Circle-klubbii tamaasa aqqutigalugit National Serviceprojektimut atatillugu katersorneqarput, Nuummi klubbi LC 72 piffissami tasani suliniuteqarfiulluni.

Suliniummik aqutsisoq Britta Keldsen LC 72-meersoq ilisimatitsivoq, suliniup pillugu ukiuni kingullerni marlunni malunnartitsiniarneq suliaq annertooq nuannersuusoq, tassani kalaallit aallartitat danskit klubbiinut suliaq pillugu paasititsiniaapput.

Charity Dinner
Taassuma saniatigut klubbi nammineerluni tunniunneqartut ilarujussui katersorsimavai, ilaatigut Charity Dinnerimik aaqqissuussinikkut, taanna februaarimi arfininngornermi siullermi ukiut tamaasa aaqqissuunneqartarpoq.

LC 72 arnanik 15-inik 18 - 45 akornanni ukioqartunik inuttaqarpoq.

Suleqatigiinneq
Nanu Børnip Sisimiuni meeqqanut illussaa pisortat aamma namminersortut suleqatigiinnerannut takussutissat ilagaat, Nanu Børnip Sisimiuni meeqqat illoqarnissaa suliarimmassuk, Qeqqata Kommuniatalu sulisoqartissammagu.

Meeqqat illuat ullormut Sisimiuni meeqqanit 40 - 60-it akornanniittunit atorneqartarpoq, meeqqat nuannisaqatigiittarput, ilinniagasserinermi ikiorneqartarput, pinnguartarput, inersimasunik oqaloqateqarlutillu nerisassiornernut peqataasarput.

Assit takukkit: Kalaallit meerartaat ikiorniarlugit Julie Berthelsen erinarsorpoq