Skip to main content

Sisimiuni kina tunillaasimanersoq ilisimaneqanngitsoq: Arlallit tunillatsissimanissaat ilimanaateqartoq

Piffissami sivitsulersumi Sisimiuni coronavirusimik tunillatsisimasunik nassaartoqanngereersoq maanna nassaartoqaqqippoq.

Marlunngornermi aggustip pingajuanni Sisimiuni tunillatsissimasut sisamat nassaarineqarput, oqartussallu tunillaassuineq suminngaanneernersoq ilisimanngikkallarpaat.

Taamaammat Sisimiuni tunillatsissimasunik ilisimaneqanngitsunik arlalinnik peqarsimassasoq ilimanaateqarpoq, Namminersorlutik Oqartussat marlunngormat unnukkut tusagassiorfinnut nalunaaruteqarlutik allapput.

- Tunillatsissimasut marluk ilaqutariipput, imminnullu tunillassimallutik.Maannamut paasisat aallaavigalugit tunillatsissimasut allat marluk imminnut attaveqarsimanngillat. Taamaammat Sisimiuni tunillatsissimasunik ilisimaneqanngitsunik arlalinnik peqarsimassasoq ilimanaateqarpoq, nalunaarummi allassimavoq.

Tunillatsissimasunit ataaseq peqqinnissaqarfimmi atorfeqarpoq. Pineqartoq akiuussutissamik kapitissimammat tuniluunnerup annertunerunissaa ilimananngilaq. Taamaakkaluartoq sulisut, napparsimasut qanigisaasullu akornanni tuniluuttoqaqqinnissaa pinaveersaarniarlugu arlalinnik iliuuseqartoqarpoq.

Napparsimmaviup matui parnaarneqarsimasut

Sermitsiaq.AG-p marlunngormat oqaluttuaraa, Sisimiuni innuttaasut arlallit tunillatsissimallutik aamma qanimut attavigisimasatik misissortinnissaannut kaammattuillutik Facebookikkut allassimasut.

Sisimiunili napparsimmaviup facebookikkut ilisimatitsissutigisimavaa, illoqarfimmi tuniluuttoqarnera pissutigalugu matut parnaarneqarsimasut aamma uninngsunut pulaartoqaqqusaajunnaartoq.

- Napparsimavimmut iserniaruit (nakorsiarlutit) sianeqqaarsaatit oqarasuaat 86 42 11 sulisumillu oqaloqateqaqqaarlutit. Covid-19-imut tunillatsissimanermut ernumaguit qinnuigissavatsigit inoqatinnut akulerusimannginnissaq (karantæne) covid-19-imut tunngasut innersuutit malissallugit. Ullukkullu nal. 9-10-miit nal.13-14 tungaanut coronalerisoq saaffigissavat oqarasuaat 86 42 11, peqqinnissaqarfik Qeqqa Sisimiuni Facebookimi taama allappoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER