Sisimiuni Inuit Ataqatigiit: Hermann aamma Erik neriorsuutisi puigornagit
Qinersereernerup kingorna Siumut sinnerlugu Inatsisartuni ilaasortanngortut Hermann Berthelsen (S) aamma Erik Jensen (S) Sisimiuni Inuit Ataqatigiinnit ippigineqarput Kangerlussuup mittarfiata piuinnarnissaa pillugu nipaappallaarneragaallutik
Inatsisartunut qinersineq nuna tamakkerlugu qinersinerusaraluartoq, qularutissaanngilaq aggerfimmi pissutsit qineqqusaarnermi tamaviaarutigineqartartut. Sassartut qinersisartunut annertuumik qineqqusaartarput neriorsuuteqarlutik aggerfimminni soqutigisat iluarsisariaqartullu aallunneqarluarumaartut. Taamaammat qinikkat ilaat qineqqusaarluarsimariaraangamik sumiiffimmi qinersisartorpassuarnit katersuuffigineqartarput.
Tamanna aamma pivoq, borgmesteriusimasoq Hermann Berthelsen aammalu Erik Jensen Siumut Sisimiut sinnerlugu Inatsisartunut sassarmata Sisimiormiorpassuarnit kangerlussuarmiorpassuarnillu katersuuffigineqarmata qinigaalluarlutillu.
Eqqaasitsinissaq pisariaqartoq
Maannali qinersinerup kingorna qaammatit aappassaata tungaanut ingerlanerani Sisimiuni Inuit Ataqatigiit misigisimalersimapput qinikkanut taakkununngarpiaq eqqaasitsinissartik pisariaqartoq:
– Sisimiuniit Inuit Ataqatigiit inatsisartunut soorunami isertitaqanngitsoornerput ajuusaarutigaarput. Inatsisartunut qineqqusaarnermi annertuumik Kangerlussuaq oqallisigineqartarpoq innuttaasunit aammalumi qineqqusaartunit. Ersarilluinnarporlu qineqqusaartugut tamatta qeqqata kommunianeersugut, annertunerpaamik ilisimasaqanngikkaluarluta Kangerlussuup mittarfittut ammaannarnissaa, inuttaasunut niperput qaffattarlugu oqariartuutigisaqattaarparput, Sofie Dorthe R. Olsen Qeqqata Kommuniani Inuit Ataqatigiit sinnerlugit Kommunalbestyrelsimi ilaasortaq tikkuaavoq.
Tamanna pillugu Sermitsiami paasisaqarnerugit, taanna uani ataani linki aqqutigalugu isissutissarsisinnaavutit: