Skip to main content

Sisimiuni innarluutilinnut tamanut sullissivik

Nuna tamakkerlugu innarluutilinnik sullissivik 2017-imi ammassasoq naatsorsuutigineqarpoq

Pingasunngornermi juulip 8-anni ilaqutareeqarnermut, naligiissitaanermut isumaginninnermullu naalakkersuisup, Siumumeersup Martha Lund Olsenip, nuna tamakkerlugu innarluutilinnik sullissiviup sananeqarnera aallarnerlugu nivariaqqaassaaq. Sisimiuni innarluutilinnik sullissivik Gertrud Rask Minde-p eqqartuussivittaallu akornanni sananeqassaaq.

– Naalakkersuisut innuttaasut, meeqqat inersimasullu, sapinngisamik sivisunerpaamik angerlarsimaffimminiiginnarnissaat imminnullu ikiortuuginnarnissaat pingaartippaat, pingaartillugulu innuttaasut innarluutillit ilinniagaqarnissaminnut sulilernissaminnullu periarfissarissaarnerulernissaat. Anguniagaavoq qulakkiissallugu innuttaasut innarluutillit ataasiakkaat sapinngisamik pitsaanerpaamik inuuneqarnissaat, eqqortumik ikiorneqarnerisigut sungiusarneqarnerisigullu, Martha Lund Olsen tusagassiorfinnut nalunaarutikkut oqarpoq.

Nuna tamakkerlugu innarluutilinnik sullissivik Sisimiuni sananeqassaaq, nunali tamakkerlugu innarluutilinnut iluaqutaassalluni. Sullissivimmi neqeroorutigineqartassapput sungiusarneq, pikkorissarnerit, siunnersuineq najoqqutassiuinerlu. Tamakku pisassapput sullissivimmi, aammattaarli sumiiffimmi innuttaasup najugaqarfiani pisariaqartitsisoqartillugu.

Innarluutilinnik sullissivik titartarneqarsimavoq Qarsoq Tegnestue-mit, sanaartorneralu tamaat ingerlanneqassaaq Permagreen Grønland A/S-imit. Naatsorsuutigineqarpoq sullissivik 2017-imi ammassasoq.

Assiliartaliussap ataani asseq takuuk

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER