Sisimiuni ikuallattoqarneranut ilisimannittussarsiortoqarpoq
Frederik d. IX Pladsimi illu unnuaq ikuallappoq. Politiit pisumut ilisimannittussarsiorput
Annonse
Sisimiuni Frederik den IX Pladsimi illu ikuallattoq pillugu politiit nalunaarfigineqarput nalunaaqutaq 04:30.
Qatserisartut erngerlutik sulipput, nalunaaquttap 06.00-ip missaani ikuallakkunnaarluni, politiit nalunaarput.
Ajoqqusertoqanngilaq
Illu ikuallangaatsiarpoq, ikuallammat pujuliungaatsiarluni. Ikuallattoqarneranut atatillugu inunnik ajoqqusertoqarsimanngitsoq ilisimatitsissutigineqarpoq.
Illu sooq ikuallalersimanersoq maanna politiinit misissorneqaleruttorpoq.
Inuit arlallit pisumut apersorneqareerput - taamaattoq sooq illu ikuallalersimanersoq suli paasineqanngilaq.
Taamaattumik Sisimiuni politiit ilisimannittussarsiorput.
Politiit sianerfigineqarsinnaapput tlf.nr. 701322.