smart
Sisimiuni igalaaminernik asfalteqarput
Sisimiuni biilit igalaaminikut aqqutigisarpaat assakaasut qaarnatik
Sisimiuni ilaatigut igalaaminernik akulinnik asfaltilioriaaseq atorneqarpoq.
Sisimiuni eqqagassani igalaamernit qillertuusallu immikkoortitertarnerat iluaqutaavoq. Igalaamernit 60 kubikmeteri katerserneqarsimapput tamakkualu asfaltiliornermi atorneqarput.
– Innuttaasunut tamanna nersualaarutissaavoq. Tamakkua igalaamernit qillertuusallu immikkoortsitertarpat containerinullu qorsunnut sungaartunullu ikillugit. Nuanneqaaq taama amerlatigisut ataatsimut avatangiisitsinnut akisussaaffeqarusummata eqqagassallu immikkoortiternerisa pitsaanerulersinniarneqarnerani peqataallutik, Qeqqata Kommuniani teknikkimut avatangiisinullu ataatsimiititaliami siulittaasoq Hans Frederik Olsen oqarpoq.
Glasfaltimik taaneqartartoq nutaamik nassaajunngilaq. Periuseq tamanna 1970-imiilli USA-mi atorneqarsimavoq.