Skip to main content

Sisimiuni hoteliutillit nersornaaserneqarput

Grønlandsbankip Inuussutissarsiornermut Aningaasaateqarfiata aallarniisumut nersornaasiuttakkani ataasinngormat tunniuppaa

Nersornaat Sisimiuneersunut Anette aamma Bo Lingsimut tunniunneqarpoq.

- Inuussutissarsiornermut Aningaasaateqarfiup Aallarniisumut nersornaataanik 2019-imik tigusisussatut Anette aamma Bo Lings-ip toqqarneqarnerannut tunngavilersuutaavoq, Sisimiuni aallaaveqarlutik, ukiuni arlalinni ilisimasaqarluarlutik, pimoorussillutik, ilungersorlutillu Sisimiuni eqqaanilu inuussutissarsiornikkut, pingaartumik takornarianut neqeroorutitigut pitsanngorsaallutillu ineriartortitseqqissimammata, aningaasaateqariup siulittaasua Kristian Lennert tusagassiutinut nalunaarummi oqarpoq.

Nersornaammik tunniussinermut ilaapput aningaasat 25.000 koruunit.

Misigisassat immikkuullarissut

- Anette aamma Bo Lings-ip takutippaat, sumiiffimmi sumiluunniit misigisassanik immikkuullarilluinnartunik pilersitsisoqarsinnaanera. Kingullertigut misigisassat annertusineqarput, aalisarfimmi nunarsuarmi assigineqanngitsumi aalisarnissamut immikkut ittumik periarfissiinikkut, tassani kuussuarmi akuersissuteqarluni aalisarnissamut periarfissat sinaakkutinik nutaanik imaqartut atorneqarluarlutik, Kristian Lennert oqarpoq.

Nersornaat Juliane Henningsen-imut Arctic Circle Business-imeersumut tunniunneqarpoq, Anette aamma Bo Lings tunniussinermi peqataanngitsut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER