Skip to main content

Sisimiormiut silarlummut piareersarput

Anorersuaq marlunngornermi Nuummi pitoraattoqn avannamut illuariartorpoq. Sisimiuni meeqqat atuartut pingasunngornermi angerlarsimaannarsinnaapput

Sisimiuni aqqusinerni angalaniartut pingasunngornermi mianersortariaqassapput. Issangiaq anorersuarlu Sisimiunut annguppoq pingasunngornerup ualinera sakkortuseqqissangatinneqarluni.

- Angallannerni ajutoortunik inunnilluunniit ajoqusersimasunit nalunaarfigineqanngilagut. Aqqusinernili aput aqilluttorsuuvoq ualimullu anori sakkortuseqqittussaalluni. Taamaammat inuit aqqusinerni angallattut mianersornissaannik kaammattorumavagut, Qeqqani politiit pisortaat vicepolitikommissær Johan Davidsen Sermitsiaq.AG-mut oqarpoq.

Illoqarfinni allani anorersuaq
Sisimiuni pingasunngornermi ullaakkut sakkortuumik anorersuarpoq. Nalunnguarfiup Atuarfia nalunaarpoq atuartut saperngugunik angerlarsimaannarsinnaasut.

- Ullaap tungaa sila ajorpallaanngikkaluarpoq, kisianni tassa silassaq malillugu anori pingasunngornerup ualinerani sakkortuseqqittussaavoq. Taamaammat atuartunut nalunaarutigaarput angerlarsimaannarsinnaasut aqqusinerni angallannissamut saperngugunik, Nalunnguarfiup Atuarfiani pisortaq Jonathan Petersen oqarpoq.

Sisimiuni anorikilliimigallarpoq ualineranili anoraasuanerit sekund meterimut 25-mik sakkortussuseqassangatinneqarput. Aasiaat aamma Ilulissat sivisunngikkaluamik ullup naanerani anorersuassangatinneqarput DMIp ilimasaarutaa malillugu.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER