Sisamat unnerluutigineqartut: RAL aqqutigalugu hash eqqunneqartoq
Danmarkimit Kalaallit Nunaannut anngiortumik hashimik eqqussisimasutut angutit pingasut arnarlu ataaseq unnerluutigineqarput. Iluanaarut ilaatigut angallatinik taxanillu pisinermut atorneqarsimavoq
Ataasinngormat Sermersuup eqqartuussiviani suliaq aallartinneqarsaaq unnerluutigineqartunut sisamanut hashi pineqarluni.
Aviisi AG taama allaaserisaqarpoq.
Pisut katillugit 14-iupput, angutit pingajuat unnerluussutip annersaanut unnerluutigineqarluni, 2015-imiit 2018-imi ukiaanera tikillugu pisut pineqarlutik.
Unnerluussut naapertorlugu aningaasarpassuarnik tigoriaannarnik peqarpoq unnerluussisut isumaqarlutik taakku Kalaallit Nunaanni hashimik tuniniaanermeersut. Unnerluussummi aamma allassimavoq angutip aningaasat taxanik angallatinillu marlunnik pisinermut atorsimagai.
Hashi ilaatigut Royal Arctic Linemik anngiortumik eqqunneqarsimavoq. Tamanna pivoq unnerluunneqartut sisamat ilaat inuttatut sulisoq ikiortigalugu, unnerluussullu naapertorlugu Aalborgimiit Nanortalimmut hashimik minnerpaamik 700 grammimik eqqussinermi ikiuussimalluni.
Hashi pillugu suliaq tamaat AG-mi atuaruk. Uani ataani linki aqqutigalugu isissutissarsigit: