Skip to main content

Sisamanngorpat seqineq pulappat isarualerlusi

Sisamanngorpat ullaakkut nunami maani seqernup pulanera immikkut ittoq isiginnaarneqarsinnaavoq. Astrofysikeri mianersoqqusivoq: Isitit ajoqusissanngikkukkit isarussat seqernup pulaneranut atorneqartartut eqqaamakkit.

Nunami innuttaasut sisamanngorpat seqernup nigalilinngorluni pulanera isiginnaarsinnaavaat. Seqineq taamatut pulagaangat aamma taaneqartartpoq ”innermit nigalilik”, tassa qaammatip seqineq tamakkerlugu matuneq ajoramiuk. Taamaammat qaammat seqernup qinngorneranit unguneqarsimasorlusooq misigineqarsinnaavoq, astrofysikeri Sermitsiaq.AG-mut nassuiaavoq.

- Seqernup nigalilittut pulanerani seqineq, qaammat nunarsuarlu piffissami aalajangersimasumi titarnermi ataatsimiittarput, tassa qaammat nunarsuarmut ungasinnerpaamiikkaagat, astrofysikeri Tina Ipsen nassuiaavoq.

Seqineq pulasarpoq, seqineq, nunarsuar qaammallu naligiimmik inissisimaleraangata, qaammat seqernut nunarsuullu akornanniittoq seqinermik tarrisitsisarnera pissutigalugu.

- Qaammat nunarsuarmut ungasinnerpaamiikkaagami seqineq tamakkerlugu tarrisissinnaaneq ajorpaa, taamaalu "innermik nigalilittut" isikkoqalersarluni, Tina Ipsen oqaluttuarpoq.

Aallartinneraniit naaneranut 

Tasiilaq: 07.05 – 08.13 – 09.25

Qaqortoq: 06.55 – 08.01 – 09.11

Ilulissat: 07.12 – 08.18 – 09.28

Qaanaaq: 07.30 – 08.35 – 09.41

Nuuk: 07.02 - 08.07 - 09.17

 

Nunami tamarmi isiginnaarneqarsinnaasoq

Taassuma nassuiaatigaa, qaammat seqinerlu isigingaangatsigit angeqqatigiittut isikkoqartartut, angeqqatigiinngillalli.

Qaammat seqinermit 400-riaammik mikineruvoq, seqinerlu qaammammit 400-riaammik ungasinnerulluni. Taamaammat isigingaangatsigit angeqqatigiittut isikkoqartarput, astrofysikeri nassuiaavoq.

Seqernup pulanera Avannaani erseqqinnerpaasussaagaluartoq, nunami tamarmi asseqanngitsutut misigineqarsinnaavoq, Tina Ipsen oqarpoq.

- Seqernup annersaa Nuummiit isigalugu taarsissaaq. Maannamut takusartakkatsinnit taarnerussalluni.

Isit mianerinissaat eqqaamallugu

Astrofysikerip erseqqissaatigaa, seqernup pulanera mianersorluni isiginnaarneqartussaasoq.

- Seqernup pulanera kusanartaqaaq, imaanngilarli inuunermi takusat kingullersarissagaat, taanna oqarpoq.

Seqernup pulanera isiginnaassagaanni seqernup pulaneranut isarussat sanaajusimasut atorneqartariaqarput. Isarussat seqinersiutit nalinginnaasut, seqinermut toqqaannartumik isiginermi isit ajoqusersinnaanerinut illersuutaanngillat.

- Igalaamineq svejserinermi atorneqartartoq taarnerpaaq aamma atorneqarsinnaavoq, Tina Ipsen oqarpoq.

Nalinginnaasumik ukiut seqineq marloriarluni pulasarpoq, nunarsuarmi sumiikkaluaranniluunniit misigineqarsinnaalluni. Maanna pulanerani Avannaa Canadalu seqinermik pulasumik isiginnaarfigissallugu pitsaanerpaassaaq, Tina Ipsen oqaluttuarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER