Sisamanngornermi aatsaak taamak tunillatsittoqarsimatigisoq: Tunillatsissimasut nutaat 14-it

Nun.gl-imi kisitsisit sisamanngornermi nutarterneaqarsimasut takutippaat, pingasunngormat kisitsisit nutarterneqarsimaneranniit covid-19-imik tunillatissimasut 15-inik ilasimasut. Naalakkersuisut ualimut pingasunut tusagassiortunik katersortitsinissamut qaaqqusipput.

Sisamanngornermi aatsaat taamak tunillatsittoqarsimatigaaq. Nun.gl-imi kisitsisitigut takuneqarsinnaavoq allat 15-it tunillatsissimasut, oqartussalli Sermitsiaq.AG-mut ilisimatitsissutigaat covid-19-imik tunillatsissimasut 14-inik ilasimasut. Taamaalilluni nunatsinni tunillatsissimasut 63-inngorsimapput.

Tunillatsissimasut illoqarfinni ukunani imatut agguataarsimapput.

• Sisimiuni arfinillit

• Nuummi ataaseq

• Kangerlussuarmi ataaseq

• Upernavimmi/Tasiusami arfinillit

Nuummi Kangerlussuarmilu tunillatsissimasut kingulliit Sisimiuniit aallarsimapput.

Namminersorlutik Oqartussanit pingasunngormat nalunaarutigineqarpoq, tunillatsissimasut tunillatsissimanerminnit ippigisaqaraluarlutik katerittunut peqataasartut, ikinngutiminnut nalunngisaminnullu pulaartartut, cefeeniillutillu neriniartarfinniittartut aamma imerniartarfinniittartut. Taamaalillutillu inuppassuit tunillatsinnissamut aarlerinartorsiortinneqartut, Nunatsinnilu Nakorsaaneqarfimmi nakorsap Paneeraq Noahsenip pingasunngormat tusagassiortunik katersortitsinermi inuit ippigisallit angerlarsimaannarnissaannik tunillatsissimannginnermullu uppernarsaammik pissarsisinissamik tungaanut angerlarsimaannarnissaat kammattuutigaa.

Powered by Labrador CMS