Siriusimi sakkutuujusimasoq: Kalaallit sakkutuunngortariaqarput
Alfred Olsen kalaallinit siullersaalluni qimussimik alapernaarsuisartuni Siriusimi peqataavoq. Uani oqaluttuaraa meeraanini, sulisimanini aamma tusaamasani sakkutuujusimanini.
Alfred Olsen illoqarfimmi talittarfeqarfiusumi Halsimi angerlarsimaffimmini, Limfjordip paavata tungaanut isikkivilimmi, kaffisortitsiniarluni piareersarpoq. Tuttut, savaaqqat aamma aalisakkat puugutarsuammi piareersarneqarput. Ilaquttat, ikinngutit aamma tusagassiortut takkutiliivipput katillugit inuit 30-t missaanniittut Alfred Olsenimit nalliuttorsiutiginninniarput.
Aviisi AG taama allappoq.
Tassami “Sapiitsuliortut” ilagaat Tusassip nipitittagalianut ilaasussat ilagalugu. Katillugit nipitittakkat arfinillit ukiut arlallit ingerlanerini saqqummersinneqassapput. Siulliit marluk nipitittagaliornermi “Sapiitsusiortutut” assitassat tassaapput Alfred Olsen aamma ilungersuussilluartoq Bodil Davidsen.
Alfred Olsen killitsissimavoq upperiuminaatsippaa taakkununnga ilaasussatut toqqarneqarsimanini.
Tunuarsimaartuuvoq taamaakkaluartoq nuannaarpoq qujamasullunilu.
- Nuan’! Killitsippunga Tusassip sooq uanga toqqarsimanerlunga tunngavilersuutertik saqqummiummassuk, Alfred Olsen nalliuttorsiualaarneq qaangiummat.
Aataa pitsassuaq
Assaquttami 1947-mi inunngorpoq. Sisimiuni peroriartorpoq ukiut pingasut Maniitsumiissimanerani eqqaassanngikkaanni. Alfred Olsen kalaallinit siullersaalluni qimussimik alapernaarsuisartuni Siriusimi peqataavoq. Sirius tassaavoq Danmarkip issittumi sakkutui immikkut ilinniarsimasut, alapernaarsuisarput, namminersortuunermik illersuisuupput kiisalu tamatuma saniatigut nunarsuarmi nunat eqqissisimatitat annersaannit Tunup avannaaniittumi politiitut oqartussaassuseq isumagisaralugu.
Arnaa tassaavoq Dortheeraq Olsen Qerrortusormioq angutaa tassaalluni Wilhelm Olsen, taanna Kalaallit Nunaanni politiinngortut siullersaasa ilagivaat.
Aviisimi AG-mi atuarnerusinnaavutit. Aviisi uani pissarsiariuk:
