Skip to main content

Sirius angerlarpoq

Qimussiussisut marluk qimuttullu 13-it Siriusimik alapernaarsuisuinit qimussertartoqatigiinneersut sungiusarnermi Nunalivut 2010-mi peqataapput.

Ullumikkut marlunngornermi qimussimik alapernaarsuisunit Siriusimit qimussertartoqatigiit canadamiut sakkutooqarfiannit Alertimit Station Nordimut uterput, holdillu marlunnik qimussiussisartullip 13-inillu qimuttullip qullersaqarfiup Daneborgip tungaanut alapernaarsuinertik nangissavaat.

Angalanissaq 1.000 kilometerit missaannik isorartussuseqarpoq, naatsorsuutigineqarporlu juunip aallartinnerani naammassissasoq. Qimussiussisartut marluk Morten Gormsen aamma Jakob Nielsen isorartuumut angalanissarsuarminni oqaluuserisassaaleqinavianngillat, silarlunnera pissutigalugu ingerlaqqissinnaajunnaaraangamik.

Apriilip 17-ianniit 27-iannut qimussertartoqatigiit canadamiut sakkutooqarfiata Alertip eqqaani sungiusarnermi Nunalivut 2010-mi peqataapput, taannalu Ellesmere Islandip avannarpiaani Issittup Imartaanut sammisumi inissisimavoq. Sakkutooqarfimmiit nunatta avannaata sineriaanut 80 sømilit missaannik ungasissuseqarpoq.

– Siriusimi alapernaarsuisartut sungiusarnermi peqataatinneqarneranni siunertaavoq issittumi alapernaarsuinermi canadaminik misilittakkanik taarseeqatigiinnissaq aammalu naalagaaffiit marluk attaveqartilernissaat, Kangilinnguani Sakkutooqarfik paasissutissiivoq.

Sungiusarnermi Slædehold 3-p tassaasut Morten Gormsen, Jakob Nielsen qimuttullu 13-it Canadian Ranger 5th partyrol Alertip eqqaani suleqatigaat, angalaqatigiillutik tammaarsimaffinnik pilersitseqatigiillutik.

Tamanna peqaitgalugu Jens Bonde, Siriusimik alapernaarsuisut sungiusartarfianni pisortaq, aaasarulu alapernaarsuisuni Siriusimi pisortanngortussaq, sungiusaqatigiinni attuumassuteqarsimavoq. Jens Bondep canadamiut sakkutuuisa qimussertartoqatigiillu akornanni attaveqarneq isumagisimavaa.

– Slædehold 3-p aamma 5th patrolip suleqatigiinnerat illua'tungeriinnut tamanut pissarsiviulluarsimavoq soqutiginarsimallunilu, Kangilinnguani Sakkutooqarfik paasissutissiivoq.

Sungiusarnerup nalaani anorlingaatsiarlunilu persingaatsiartarsimavoq, tamannalu pissutigalugu tammaarsimaffinni tuperni uninngaqatigiingaatsiartoqartarsimavoq, kaffisuutigaluni misilittakkanik taarseeqatigiittoqartarluni.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER