Skip to main content

Siorna Avannaata Qimussersuaasoq piareerpoq

Saqqarmiu William Jensen nunatsinni qimussertartuni sukkanersaanerminut illersuinissaminut piareerpoq

Avannaata Qimussersuani siorna ajugaasoq, saqqarmiu piniartoq aalisartorlu William  Jensen, Qeqertarsuarmi unammersuarnissarsuaq ullormik sioqqullugu anorlerneranik nittaanneranillu isikkiveqarpianngitsumi piareersaatiminik kingullernik suliaqarpoq.

William Jensen maniguuttumik pissuseqartuuvoq Avannaata Qimussersuaanini qungujulalluni pingaartorsiutigivallaarnagu. 

- Takorlooruminaattuaannarpoq siulliulluni tikikkiartornissaq. Kisianni siorna Ilulissani siullersaallunga tikittussanngorlunga paasigakku soorunami immikkut misigisaavoq nuannersoq, William Jensen qungujulalluni oqaluttuarpoq.

Atuaruk: Avannaata Qimussersuani tunillaassuussinnaasumik nappaalasoqartoq

Qimmit ajugaassutigisani atoqqilerai
Kisianni malunnarpoq pisoq pimoorullugu piareersarfigigaa. Qimmini 17-init paarilluarpai, qamutinilu sannavimmi arfininngornerutinnagu piareersarlugit.

- Soorunami aallaqqaarninnit sapinngisara tamaat iliuuseqassuunga. Peqataasussat tamaasa ilisarisimagunarpakka, qimussillaqqittuinnaappullu qimmerillutillu. Uanga qimmikka killilimmik sungiusarpakka piniarneq ingerlannerunikuungakku, William Jensen oqarpoq.

Siorna Ilulissani Avannaata Qimussersuaqarnerani qimmit atukkani atoqqinniarpai.

Atuaruk: Qimmit qamutillu Qeqertarsuarmut tikipput

Ikittuinnaat ingerlaarfissaq misilippaat
Avannaata Qimussersuanilu ingerlaarfissaq 40 kilometerinik isorartussuseqartoq misilillugu ingerlaarfigisimavaa. Kisianni silarluttaqattaarnera peqataasussanut allanut eqquinerlussimavoq, arlallit tammartajaarsimapput misiliinerminnilu utiinnartariaqartarsimallutik.

- Ikittuinnaat silarlunnera pissutigalugu silarlunnera pissutigalugu ingerlaarfissaq tamaat misilillugu ingerlaarfigaat. Uanga eqqoriarsinnaanngilara aqagu qanoq inissikkumaarnerlunga. Atagu takoriartigu. Kisianni piareersimavunga, William Jensen oqarpoq.

William Jensen siullerpaamik Avannaata Qimussersuani 2004-imi peqataavoq. Pitsaanerpaamik siullertut inissinnikuuvoq, marloriarluni normu 2-tut inissisimalluni kiisalu ataasiarluni normu 3-usimalluni.

Atuaruk: Avannaata Qimussersua affaannarmik ingerlanneqaratarsinnaavoq

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER