Skip to main content

Sioqqat nunatta aningaasaqarnera annaassinnaavaat?

Nunat ilaat sioqqanik amigaateqangajalerput. Kalaallit Nunaanni taamaanngilaq! Maani peqaqaagut, annertusiartuinnavissumik sermip aakkiartornera ilutigalugu. Immaqa avammut tuniniaanersuarmik ineriartortitsisoqarsinnaavoq.

Nunarsuarmi sioqqat ukiumut 50 milliarder tonsit sinnillit atorneqartarput. Ilaatigut cementip akussaatut pingaarutilittut – taamaasillunilu sanaartornermi. Ilisimatuullu naatsorsuutigaat siunissami sioqqanik atuineq annertusiartussasoq nunarsuup inunikkaluttuinnarnera ilutigalugu.

Tamatumani Kalaallit Nunaat aaqqiissutaasinnaavoq.

Taama aviisi AG allappoq.

Tassami sermersuup aakkiartornera ilutigalugu sioqqanik »tunisassiorneq« annertusiartorpoq, ilaatigut sinerissamut kiviorartunik.

New York Times-imi allaatigisaq

The New York Times sapaatip akunnerani kingullermi (juulip aallaqqaataani) tunuliaqutaasumik takisuumik allaatigisaqarpoq qulequtserlugu »Kalaallit Nunaat aakkiartortoq sioqqanik ulikkaarpoq«, tassani isumaliutersuutigineqarluni »Kalaallit Nunaata siunissami inuit milliardilikkaat sioqqanik pilersorsinnaanerai«.

Isuma taanna pisortamit Nicolai Morgensenimit taperserneqarpoq, taannalu nunatsinni betoncentralituamik ingerlatsisuuvoq, siusinnerusukkullu Tysklandimi, Polenimi, Danmarkimi Norgemilu betoniliorfinnik ingerlatsisimalluni. Taassuma ajornartorsiut takusinnaalluarpaa:

- Nunarpassuit siorassaarutilerput, taanna oqarpoq.

Allaaserineqartoq aviisimi AG-mi tamakkiisumik atuarneqarsinnaavoq – aviisi uani pisiariuk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER