Sinniisut kikkut isissappat?

IA aamma Naleraq sinnerlugu Inatsisartunut qineqqusaartut katillugit arfinillit marlukkaarlutik amerlaqatigiinnik taaneqarsimapput. Kikkut sinniisutut nalunaarsuiffimmi sallinngussanersut pillugit arfininngormat makitsisoqarpoq.

valgstemme

Sinniisut kikkut sallinngorlutik inissisimalissanersut pillugit qinersinermut ataatsimiititaliaq arfininngormat makitsivoq. Qinigaasummi arfinillit Inatsisartunut 6. april qinersisoqarmat, marlukkaarlutik amerlaqatigiinnit taaneqarsimapput.

IA-mi sinniisut marluk aamma Naleqqami marlukkaat marluk amerlaqatigiinnik taaneqarsimapput.

Makitsisoqarnerani aalajangerneqarpoq kikkut sinniisutut tulleriaarinermi sallinngortinneqassanersut. Taama makitsineq IA-mi sinniisunut sunniuteqarluarsinnaavoq, tassami Naalakkersuisunut innersuunneqartut aamma Inatsisartunut qinigaasimammata. Naalakkersuisutullu ivertinneqarunik Inatsisartuni ilaasortatut sulinngiffeqartussanngorlutik qinnuteqarsinnaammata.

Qinikkat arfinillit makitassatut

Inuit Ataqatigiinni sinniisut 6 aamma 7 makitsisoqarpoq. Agathe Fontain aamma Harald Bianco tamarmik 59-init taaneqarsimapput.

Ima inissipput:

Sinniisoq 6: Harald Bianco

Sinniisoq 7: Agathe Fontain

Naleqqami marloriarluni makitsisoqarpoq. Ovennguaq Berthelsen aamma Jens Meeraq Lybertth 23-init taaneqarsimallutik sinniisut 6 aamma 7-imi inissisimapput. Aamma Ungaaq Lundblad kiisalu Finn Karlsen sinniisut 8 aamma 9-mi inissisimallutik.

Makitsinerli Naleqqamut sunniuteqarnissaa ilimananngilaq, Nalerarmi Inatsisartunit sisamanik issiasuutitaqarpoq.

Sinniisut ima inissipput:

Sinniisoq 6: Ovennguaq Berthelsen

Sinniisoq 7: Jens Meeraq Lyberth

Sinniisoq 8: Finn Karlsen

Sinniisoq 9: Ungaaq Lundblad

Powered by Labrador CMS