Sinniisoqarfik Beijingimiissaaq

Tamanna Naalakkersuisup Aqqalu Jerimiassenip Atassummeersumut Bentiaraq Ottosenimut paragraf 37 naapertorlugu akissuteqaataani allassimavoq.

Asiami sinniisoqarfeqalernissaq siornatigut IA-mit oqaatigineqareersimavoq, nunamilu sorlermi inissisimanissaa misissuiffigeqqaarneqarusussimalluni. Tuluit Nunaallu EU-miit aninissamik nalunaaruteqarsimanera peqqutigalugu sinniisoqarfiup Londonimi inissisimasinnaanera IA-mit aamma toqqarneqartut ilagisimavaat.

Sinniisoqarfiit amerlanerit pilersinneqarniartut

Bentiaraq Ottosenimut akissuteqaammi paasissutissiarineqarpoq, niueqatigiinneq nukittorsarniarlugu sinniisoqarfinnik amerlanernik pilersitsisoqarnissaa naalakkersuisoqatigiinnit pilersaarutigineqartoq.

I svaret til Bentiaraq Ottosen oplyses det, at koalitionen har planer om at åbne flere repræsentationer for at styrke samhandelen.

Kalaallit Nunaat Bruxellesimi Washingtonimilu sinniisoqarfeqarpoq, kingullermik 2018-ip ukiaanerani Reykjavikimi Islandimi sinniisoqarfimmik ammaasoqarpoq.

Niuernikkut saqqummiussinerit

Danmarkip avataani nunat suleqateqarnermi niuernikkut saqqummiussinerit arlallit nukittorsaaqataasinnaaneri aamma eqqaaneqarpoq.

- Nunat tamalaani niuffaffinni Kalaallit Nunaata inissisimaffia nukittorsamiarlugu nunat tamalaani niuernikkut saqqummiussinerit ingerlanneqartarput. Ukiuni kingullerni tallimat-arfinilinni niuemermik saqqummiussisamerit arlalinnik sammiveqartinneqarsimapput, pingaarnertut sammineqarlutik takornariartitsineq, sermermik/imermik avammut nioqquteqamerit, puisit amiinik tunisassiat, nukissiorneq qorsuk (erngup nukinganik nukissiorneq), attaveqarfinni aningaasaliinerit (mittarfiit), aamma aalisakkat qaleruallit. Ukiorpassuarni pingaartinneqartut tassaasimapput Kinami niuffaffik, tulleralugit Korea Kujalleq
aamma Japan, Inuussutissarsiornermut Nukissiuuteqarnermullu Naalakkersuisoq Aqqalu Jerimiassen paasissutissiivoq.