ilisimatusarneq
Sinnakippallaarneq sunniuteqartarpoq
Inuit sinnakippallaartut inoqatiminnit allaanerusumik isigineqalersarput, tamanna misissuinerup takutippaa
Sinilluartarnissaq pisariaqarpoq.
Inuit sinnakittartut suliffittaarniarnissaminnut ajoqqutigisinnaavaat, inuimmi qasoqqasut atorfinitsinneqarnissaat kajumerineqarpallaarneq ajorpoq. Aamma inunnit soqutigineqarnerat annikinnerusartoq misissuinerup takutippaa.
Videnskab.dk allappoq.
Inuit sulivallaartut imaluunniit sininnissaq puigorlugu allanik suliaqartartut misissorneqarsimapput. Sinilluartarnissap pingaaruteqarnera inunnit salliutinneqalernissaa anguniarlugu misissuisoqarpoq.
Sinnakittarneq annertuumik misissuiffigineqareeraluartoq, sinnakippallaartartut inoqatiminnit qanoq isigineqarnersut annertunerusumik misissorneqarsimanngilaq.
Misissuinerummi takutippaa, inuit qasoqqarpasissut soqutigineqannginnerusartut paasineqarpoq.
Allaaserineqartoq Videnskab.dk suleqatigalugu ilanngunneqarpoq.