Skip to main content

Sinerissap qanittuani aalisartunut ikiorsiissutit

Sinerissap qanittuani aalisartut Naalakkersuisunit aningaasatigut ikiorserneqarnissartik qilanaarisinnaanngorpaat. Coronamummi atatillugu ikiorsiissutissat qangali utaqqineqartoq akuerineqarlutillu naammassillugit suliarineqarsimalerput. Aggustip aallaqqaataanit ukiup naanissaata tungaanut tapiissuteqartoqarsinnaanngorpoq.

Nunami inuussutissarsiutit ilaat kisimik COVID-19-mit eqqugaanngillat – aammali sinerissap qanittuani aalisarneq eqqugaavoq. Taamaammat sinerissap qanittuani raajarnianut, saattuarnianut saarullinnianullu sammititamik aningaasaqarnikkut ikiorsiissutinik pilersitsinissaq Naalakkersuisut aalajangerpaat. Namminersorlutik Oqartussat tusagassiorfinnut nalunaaruteqarnermi ilisimatitsipput. 

Suleqatigiissitaq KNAPK-mit, Aningaasaqarnermut Naalakkersuisoqarfimmit, Aalisarnermut, Piniarnermut Nunalerinermullu Naalakkersuisoqarfimmit aamma Inuussutissarsiornermut Suliffeqarnermullu Naalakkersuisoqarfimmit Sulisitsisunillu inuttaqartoq ikiorsiissutissanik nytaanik aaqqissuussisimavoq.

Aalisagaqatigiiaani taakkunani pingasuni akit COVID-19-ip malitsigisaanik appariarsimanerat ikiorsiissuteqarniarnermi tunngavilersuutigineqarpoq.

Aalisartut tunisinermi akit appariaataasa ilaanik nammattussanngorlugit aalisartunut eqqugaasunut aningaasaqarnikkut ikiorsiissutit aaqqissuunneqarsimapput.

Tamanna ukiup siulianut naleqqiullugu akit appariaataasa siulliit 15 procentit aalisartumit namminermit,15 – 25 procentimullu 10 procentillu tulliuttut nunatta karsianit matussuserneqartussanngorlugit ikiorsiissutit aaqqissugaapput.

Allatut oqaatigalugu aalisartut akit apparnerat sioqqullugu akit 10 procentiisa nalingannik annerpaamik taarsiivigineqassapput. Tapiissutit 31. december 2020-p tungaanut atuutissapput, aalisartullu aggustip allaqqaataanit tunisaminnut tapiiffigineqarsinnaanertik qinnutigisinnaavaat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER