Skip to main content

Sinerissami inissiat isaterneqartut

Inissiat 139-t Maniitsumi ingutserneqassapput. Allat 100-t peerneqareerput

Namminersorlutik Oqartussat inissiaatitik illoqarfinni inuttussutsip ineriartorneranut nalimmassaleruttorpaat, pilersaarutillu ilaatigut Qeqqata Kommuniani pakatsinermik pilersitsivoq.

Aningaasaqarnermut ataatsimiititaliaq Sisimiuni Maniitsumilu pilersaarutit nalilerniarlugit juullinnginnerani ataatsimiippoq. Namminersorlutik Oqartussat Maniitsumi inissiaataannik ingammik iluarsartuussinissamut nutarterinissamullu pilersaarutit akerlerineqarput.

Atuaruk: Nuummi inissianik nutaanik sanaartortoqalerpoq

- Maniitsumi taarsiilluni sanaartortoqarnissaanik pilersaarusiortoqannginnera isornartorsiugassaavoq, tassami inissiat 139-t isatigassatut pilersaarusiorneqarput, Ole Petersenip Aqq taavalu Salliarnartami 100-t isateriikkat atorunnaarsitalluunniit saniatigut, aningaasaqarnermut ataatsimiititaliap ataatsimiinneranit imaqarniliami allaqqavoq.

Ilaqutariinnut inissiat tuniniarneqassapput
Inissiat illuinnaallu amerlassusii tunulequtaralugit, Maniitsumi inissianik sinneqartoqarnera, Sisimiunilu sinneqanngitsoq, ingerlataqarfimmi pilersaarutinut Namminersorlutik Oqartussanit isummerfigineqarput. Ingerlataqarfimmi pilersaarutinut taamaallaat inissiat blokkit affarleriiaallu ilaapput, Namminersorlutik Oqartussat ilaqutariinnut ataasiakkaanut illuutit tunineqarnissaat naatsorsuutaammat.

Sisimiuni inissiat 120-t sananeqassapput, taakkua Paamaap Kuuani inissianut 125-inut isaterneqarnissamut pilersaarutaasunut taartaassapput. Inissiat nutaat sanaartorneqarnissaannut 147 millionit koruunit immikkoortinneqarsimapput.

-  Inissiaq nutaaq ataaseq 1,2 mio. koruuneqartussatut naatsorsorneqarpoq, sanaartornissaq akikitsuararsuusimanngikkuni inissiat mikisuararsuusimassagunarput, aningaasaqarnermut ataatsimiititaliaq inerniliivoq.

Isaterineq inuerukkiartornermut sukkatsisaataasoq
Namminersorlutik Oqartussat illoqarfinni inoqassutsip ineriartorneranut inissianut immikkoortortat tulluarsarnissaannut ukkataqarnerannut, aningaasaqarnermut ataatsimiititaliaq isornartorsiuivoq.

- Illoqarfinni inukilliartortuni nutaanik sanaartortoqartanngilaq, isaterneqaannartarput, tamannalu inuerukkiartornerannut sukkatsisaataalluarsinnaalluni, imaqarniliami oqaatigineqarpoq.

Aatsitassarsiornermut suliniutit puigorneqartut
Kommuninut, Nunaqarfinnut, Isorliunerusunut, Attaveqarnermut Ineqarnermullu Naalakkersuisoqarfimmi sulisut pilersaarusiorsimasut, sinerissami pissutsinut ilisimasaqarsimanngitsut, kommunimi ataatsimiititaliaq isumaqarpoq.

- Maniitsumi Sisimiunilu suliffissaqartitsiniarnermut allannguutaasussamik naatsorsuutigineqartumik, pilersaarutini aatsitassarsiortoqassanersoq maannakkumut ilisimaneqanngitsoq allassimavoq, Inuit nalunaarusiamik suliarinnissimasut Kangerlussuarmi Hudson Resources suliniuteqarnera maanna ingerlanneqartoq tusarsimagunanngilaat, imaluunniit Maniitsup kujataani North American Nickel sulinera isumalluarnaqisoq, ataatsimiititaliaq imaqarniliami naqissusiivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER