Skip to main content

Sineriammi akiuussutissalersuineq qaammammi matumani aallartinneqassasoq

Nuummi Ilulissanilu akiuussutissalersuineq pilersaarutit malillugit ingerlavoq, nunattalu nakorsaanerata naatsorsuutigaa Aasianni, Sisimiuni Qaqortumilu akiuussutissalersuinissaq qaammammi matumani aallartinneqassasoq, tassa akiuussutissat amerlanerit tikiunneqarpata.

Peqqinnissaqarfik ataasinngormat nunami maani innuttaasunik Coronamut akiussutissalersuilluni aallartippoq. Nuummi Ilulissanilu utoqqaat innuttaasullu ajoqutitik pissutigalugit coronamit ulorianartorsiortineqarsinnaasut siulliullugit akiuussutissalersorneqarput.

Nunatta Nakorsaanerata Henrik l. Hansenip sisamanngormat ilisimatitsissutigaa, akiuussutissat takkuttut siulliit assingi qanittukkut tikiunneqarnissaat naatsorsuutigalugu. Tassa illoqarfinni amerlanerusuni akiuussutissalersuinissaq ingerlatiinnarneqassaaq.

-Akiuussutissalersuineq ajunngitsumik ingerlavoq, sapaatillu akunnerani matumani naammassinissaq naatsorsuutigineqarpoq. Akiuussutissaq pissarsiarisimasarput isumagiuminaakkaluartoq ingerlatiinnassavarput, Modernap akiuussutissaliaata qaqugu pissarsiarinissaanik qaamma qassinik pissarsissanerluta paasisaqarnissatta tungaanut, Henrik L. Hansen sisamanngormat tusagassiortunik katersortitsinermi oqarpoq.

Modernap akiuussutissaliaa Pfizer-BioNtechip akiuussutissaliaanit isumagiuminarnerujussuusoq pingasunngormat EU-mit akuerineqarpoq, Kalaallilli Nunaanni taassuma qaqugu qanorlu annertutigisoq pissarsiarineqassanersoq suli nalunarpoq.  

-Neriuutigaarput qaammatip tulliata ingerlanerani pissarsiarissallugit, taamaalillutalu nunam sumiiffiit tamaasa tikillugit akiuussutissalersuinissamut piareeqqavugut, nunatsinni nakorsaaneq ilisimatitsivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER