nipilersorneq
Simon Lynge USA-mi nersornaaserneqartussatut innersuunneqarpoq
USA-mi Independent Music Awardsimi nersornaaserneqartussatut Simon Lynge innersuunneqarpoq
Simon Lyngep saqqummersitaa kingulleq 'The Map of Your Life' USA-mi nersornaaserneqartussatut innersuunneqarpoq. Independent Music Awardsimi nersornaammi 'Best Pop Album'-imi innersuunneqarpoq.
New Yorkimi Lincoln Centerimi nersornaasiisoqassaaq marsip 30-ani 31-anilu.
'The Map of Your Life' Simon Lyngep saqqummersitaasa pingajoraat, 2016-mi saqqummerluni. Nuannarineqarluartut 'Drumbeat' aamma 'Halleluja' saqqummersitami tusaaneqarsinnaapput.
Saqqummersitassani sisamassaat maannakkut Englandimi Walesimilu suliarileruttorpaa. 2018-ip ukiaani saqqummissaaq.