Skip to main content

Simigaq Heilmann Inatsisartuni issialerpoq

Demokraatit siulittaasuat, Niels Thomsen Inatsisartuni sulinngiffeqarallarnerata nalaani, 29-nik ukiullip Simigaq Heilmannip Inatsisartuni upernaakkut ataatsimiinnerup nalaani paarlappaa.

Sinniisuusoq Qeqertarsuarminngaanneersuuvoq ukiorlu siulleq tusagassiortunngorniarfimmi ilinniarluni.

Inatsisartuni sulinermi nalaani ilinniakkani ingerlatiinnassallugu aalajangersimavoq.

- Ilinniarnera ingerlatiinnassavara, Inatsisartuni ilaasortaanerma nalaani ilinniarnerma ingerlatiinnarnissaa pilersaarusiorluarnikuugami. Atuarnerput naammassingajalerpoq, ilinniarneralu Inatsisartuniiutigalunga ingerlassinnaallugu qularinngilara, Simigaq Heilmann Sermitsiaq.AG-mut oqarpoq.

Ilisimatusarfimmi tusagassiortunngorniarluni ilinniarnermi saniatigut politikkimik suliaqarnissani ajornartinngilaa.

54-init taajuunneqartoq

Niels Thomsen martsip 13-ani nalunaaruteqarpoq juunip 30-at 2019-ip tungaanut sulinngiffeqarallassalluni.

Simigaq Heilmann Inatsisartunut 2018-imi qinigassanngortippoq. Demokraatillu tunuliaqutaralugit sinniisussatut siulliugami maanna Inatsisartuni issialerpoq.

- Piareersimavunga pissangallungalu. Neriuppunga aamma kingulliussanngitsoq, oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER