sialuk anorilu
Silarluup timmisartuussineq eqqorpaa
Nuummiit Kangerlussuarmut timmisartuussinissaq ataasinngornermi ullaap tungaa taamaatiinnarneqaproq silarlunnera pissutigalugu
Ilaasut 19-it Nuummiit Danmarkiliartut marlunngornermut utaqqisariaqalerput imarpik qulaallugu ikaarnissaminnut. Nuummi silarlunnera pissutaalluni timmisartussaraluat uniinnarpoq.
Atuaruk: Air Greenland pilersaarutit malillugit timmisartuussivoq
Air Greenlandip siullermik naatsorsuutiginngikkaluarpaa ataasinngornermi timmisartuussinerit annerusumik allannguuteqarnissaat. Anorili ilimagisamit sakkortusiartupallanneruvoq.
- Tamanna pissutigalugu ilaasut 19-it Nuummiit Kangerlussuaq aqqusaarlugu Danmarkiliartussat angumersinngillat. Taakkuli marlunngornermi timmisartorsuarmut Danmarkiliartumut inissaqarput, Air Greenlandimi ussassaarinermut aqutsisut Jesper Kunuk Egede Sermitsiaq.AG-mut nalunaarpoq.
Kangerlussuarmiit sineriammut ataasinngornermi timmisartuussinissat pillugit nalunaaqutaq ataatsimut paasissutissiisoqassaaq.