Silarlunnera aporfiginagu innuttaasut kapitikkiartortut

Nuummi innuttaasut siullermeerlutik imaluunniit aappassaaneerlutik kapitikkiartortut ullumi silarlukkaluartoq tunuleriaatilereersimapput.

Flere borgere står i kø til vaccinationsstedet i Nuuk under storm og regn. - Nina-Vivi Møller Andersen
Flere borgere står i kø til vaccinationsstedet i Nuuk under storm og regn. - Nina-Vivi Møller Andersen
Flere borgere står i kø til vaccinationsstedet i Nuuk under storm og regn. - Nina-Vivi Møller Andersen
Flere borgere står i kø til vaccinationsstedet i Nuuk under storm og regn. - Nina-Vivi Møller Andersen

Nuummi ullumi akiuussutissalertillutit kapitissaguit isumatusaarnerussaaq oqorsarlutillu sialussiuseruit.

Illoqarfiimmi pingaarnersaanni anorlerluni sialleraluartoq, akiuussutissalertinniarlutik tunuleriaattut amerlangaatsialereerput.

Nuummi tamanut akiuussutissalersuinerit ullumi sisamanngornermi 22. juli nalunaaqutaq 14.00 ammassapput. Innuttaasut siullermeerlutik aappassaaneerlutilluunniit kapitittussat ornigutiinnassapput. Oqartussat nalunaarutigereerpaat kapiteqqaarnermit siusinnerpaamik ullut 28-t qaangiunneranni aappassaanik kapitittoqartassasoq.

Nuummi innuttaasut 3.500-t missaat suli akiuussutissalertissimanngitsut nalunaarutigineqarsimavoq, maannalu suli aarleqqutigineqarpoq inuiaqatigiit iluanni Covid-19-imik aqunneqanngitsumik tunillaassuuttoqarsinnaanera.

Naak anorlerluni sialussuaraluartoq, akiuussutissamik kapitikkiartortarfiup, USK-ip eqaarsaartarfiata silataanit nalunaaqutaq 13.00 tunuleriaattut amerlereersimapput.

Tunillaassuuttoqarnissaa ernummatigineqarpoq

Nuummili Covid-19-imut misissuisarfiup silataa sisamanngornermi nalunaaqutaq 13.55 tunuleriaattoqanngilaq. Nuummi aqunneqanngitsumik tunillaassuuttoqarsinnaaneranik oqartussat aarlerisaarereersullu, ulluni kingullerni misissortikkiartortut tunuleriaatiinnavissimagaluarput. Tunillaassuuffiit sisamaasut maanna paasineqareerpoq.

Nuummi akiuussutissalertinnissamut kapuineq ullumi nalunaaqutaq 14.00-17.00 ammatinneqarpoq. Nunap sinnerani akiuussutissalertinnissamut kapuinissamut pilersaarutit uani takusinnaavatit.

Allaaserisap qulaani akiuussutissalertinnissamut aamma misissortinnissamut tunuleriaattut takusinnaavatit.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS