Skip to main content

Silap pissusiata allanngoriartornera atuartitsissutigineqassaaq

Meeqqat atuarfiini angajulliit ukiamut sapaatip akunnera ataaseq immikkut ittumik sammisaqartinneqarunik, silap pissusiata allanngoriartornera pillugu paasisimasaqarnerulerlutillu iliuusissanik siunnersuuteqarsinnaatitaassapput.

UNICEF-ip Kalaallit Nunaanni immikkoortortaqarfia silap pissusia pillugu atuartitsissutinik meeqqat atuarfiini angajullernut atorneqartussanik suliaqaleruttorpoq, nunatsinni inuusuttut klimaagentitut ilinniartinneqarnissaat angorusullugu.

UNICEF-ip Kalaallit Nunaanni immikkoortortaqarfia tusagassiorfinnut nalunaaruteqarluni ilisimatitsivoq.

Suliniut ”Silasisa Iliuuseqarlutalu” UNICEF-ip Kalaallit Nunaanni immikkoortortaqarfiata Extreme E peqatigalugu suliaraa. Extreme E Kangerlussuarmi augustimi biilit silaannarmut mingutsitsinngitsut atorlugit sukkanniunnermik Arctic C Prix-mik ingerlatsisuussaaq, silap pissusiata allanngoriartornera eqqumaffigineqarnerulernissaa anguniarlugu.

- Suliniut una aqqutigalugu silap pissusia pillugu oqallinnermi meeqqat aamma tusaaneqarlutillu akuutinneqarnissaat sooq pingaaruteqarnersoq, UNICEF-ip Kalaallit Nunaanni immikkoortortaqarfiata takutikkusuppaa. Sapaatip akunnerani 39-mi atuarfippassuit silap pissusianut tunngasunik piffissami tassani immikkut sammisaqarpata, atuartut nuna tamakkerlugu ataatsimoornermik misigisaqassapput, UNICEF-ip Kalaallit Nunaanni immikkoortortaqarfiani suliniutinut pisortaq, Maliina Abelsen tusagassiorfinnut nalunaaruteqarluni oqaaseqarpoq.

Iliuuseqarnissaq pingaaruteqartoq

UNICEF-ip Kalaallit Nunaanni immikkoortortaqarfiata atuartitsissutit suliarai silap pissusiata allanngoriartornerata iliuuseqarfiginissaanut innuttaasut minnerunngitsumilli meeqqat inuusuttullu peqataatinneqarnissaata pingaaruteqassusia ersersikkumallugu. Nunat tamalaat akornanni misissuinerit takutippaa Issittumi silap kissakkiartornera nunarsuup sinneranut sanilliullugu pingasoriaammik sukkanerusoq.

- Atuartut silap pissusiata allanngoriartornera suunersoq paasisaqarfigissavaat, silallu pissusiata allanngoriartornera maanna atuuttoq unitsinniarlugu massakkut iliuuseqartoqartariaqartoq paasissavaat, Ilinniartitaanermut aqutsisoqarfimmiit suliniummut peqataasoq Ane Fleischer oqarpoq.

Sapaatip akunnerani 39-mi atuartut angajulliit silap pissusia pillugu sammisaqartinneqassapput, CO2-llu aniatinneqartup annikillilernissaanut namminneq aamma siunnersuuteqartinneqassallutik. Pilersaarutaavoq atuartut namminneq suliatt silap pissusiata allanngoriartorneranut tunngatillugu atuartitsinerni allani atorneqartalerumaarnissaat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER