ataatsimeersuarneq
Silap pissusaanik ilisimasalik: Suli iliuuseqarsinnaavugut
Silaannaap allanngornera inuit pisuupput. Iliuuseqarnissatsinnulli suli piffissaqarpugut, FN-imi silap pissusaanik ataatsimiititaliami siulittaasoq oqarpoq
FN-ip sila pissusaa pillugu Københavnimi ataatsimeersuassaaq sapaatiuppat, tassani nalunaarusiamik pingaarutilimmik saqqummiussisoqassaaq.
Ataatsimiinnissami siulittaasoq Rajendra Pachauri ataatsimiinnissamut piareersaleruttorpoq.
Isumaqatigiissutip akuerineqarnissaa suliaraa, inuit 600-t silap pissusaanik ilisimasallit, nunat naalagaaffiisa aallartitaat 125-neersut nalunaarusiaq isumaqatigiissutigisussaavaat.
Silap pissusaata allanngorneranut inuit pisuunerat tassani oqariartuutigineqarpoq, Pachauri nalunaarpoq:
- Aappaattullu: Gassimik aniasitsinerup annikillisinneqassanngippat maannakkumit ajornerusumik kinguneqartussaavoq, ajornarnerusumik aamma naleqqussarsinnaalissaagut.
- Pingajuattut: Iliuuseqartoqartariaqalerpoq. Nalunngilarput qanoq iliuuseqartoqassanersoq, sukkanerusumilli iliuuseqanngikkutta annertuumik kinguneqarsinnaavoq. Silaannaap kissatsikkiartornera kiassutsinik marlunnik annertuseriannginnissaanik anguniagaq ajornakusuulissaaq, Pachauri oqarpoq.