Skip to main content

Silap pissusaa pillugu nalunaarusiaq: Ilulissani sila siunissami imaassaaq

Takornariarfigissallugu nuannarineqarluartoq – Ilulissat – ukiut hunnorujukkuutaat maanna atukkavut naalerpata aasakkut sikoqassaarsimassaaq. Silap pissusaa pillugu nalunaarusiaq 34-nik quppernilik, Avannaata Kommuniata DMI suleqatigalugu suliaritissimasaa arlalinnik inerniliiffiusimavoq.

Siunissami silap peqqarniissinnaanera piareersimaffiginiarlugu Avannaata Kommunia DMI suleqatigalugu silap pissusia pillugu nalunaarusiortitsisimavoq, tassani kommuni silap pissusiata allanngoriartorneranik qanoq sunnerneqassanersoq misissorneqarsimavoq.

Nalunaarusiaq kommunip nittartagaanut ullumi ilanngunneqarsimavoq, tassani nalunaarusiaq tamakkerlugu atuarneqarsinnaavoq. Borgmesteri Palle Jerimiassen tusagassiorfinnut nalunaaruteqarnermi imatut oqarpoq:

Eqqortunik aalajangersuisarnissaq

- Siunissami silap pissusaa peeqarniissiartuinnassaaq, tamannalu maannamiit sillimmartaarfigisariaqalerparput. DMI-p silap pissusaanik nalunaarusiaa ilisimatusarsimassutsikkut pitsaanerusumik tunngavilersugaq aamma Ilulissani silap allannguutaanik paasissutissartaqarnerusoq takutippaa, taannalu ikiorsiullugu eqqortunik aalajangersuisinnaassaagut, borgmesteri Palle Jerimiassen oqaluttuarpoq, nangillunilu:

Piviusut

Silap pissusaa pillugu nalunaarusiami nassuiaatigineqarput siunissami silap pissusissai Ilulissani ukiut untritilikkaat qiteqqunneranni naaneranilu. Nalunaarusiap siullertut imarai paasissutissat siunissami kissassuseq, isugutaap nakkaanera silaannaallu isugutassusaa – allaat nunap assinga 5 km-moor-tumik kipparissulersukkami.

Silap pissusaa pillugu nalunaarusiami nassuiaatigineqarput siunissami silap pissusissai Avannaata Kommuniani una aallaavigalugu, CO2-mik ullumikkut aniatiinnarneqarpat – imaluunniit nunarsuarmi CO2-mik aniatitsinerup killilersimaarnissaa sapissannginneripput. Ulluinnarni taasarparput CO2-p pilersissinnaasaatut.

Nalunaarusiaq aallaaveqarpoq kiassutsit, isugutaap nakkaasup Ilulissanilu silaannaap isugutassusaanik sivisoorsuarmik uuttuutaasimasut tulleriit atornerisigut aammalu danskit nunap immikkoortuini silaannaap pissusaanik uuttueriaaseq HIRHAM5 atorneratigut, taanna Kalaallit Nunaanni tassanilu pissutsinut misileraataasimavoq.
Nalunaarusiamit immikkuullarequtit (nunarsuarmi co2 ullumikkutut aniatinneqassappat)

- Silap pissusaanik nalunaarusiaq pingaarutilerujuttut sakkussiaavoq Ilulissani silap pissusaanut naleqqussarnissarput pilersaarusiulerutsigu. Maanna uppernarluartunik paasissutissaateqalerpugut ima sukumiitigisunik allaat kommunemit atorneqarsinnaasunik. Taamaasiornikkut silap pissusaanut naleqqussarnissami aaqqiissutissat eqqortut toqqarsinnaalerpagut innuttaasunut inuiaqatigiinnullu iluaqutaajumaartut.

Mere nedbør

DMI-mi silap pissusaanik ilisimatusartoq Martin Olesen ilisimatitsivoq, ”Ilulissani siunissami silaannaap pissusaata tikkuuppaa, isugutasumik nakkaanerit pissusaat silaannaq kissakkiartortillugu allannguuteqariartortut. Tamatuma kingunerissavaa naatsorsuutaasariaqartoq isugutammik nakkaasoqarnerulissasoq, aamma peqqarniitsumik sialussuapiloortarnerit allaqarnerussasut”.

- Tamatuma saniatigut silap kissakkiartornera aamma sunniuteqassaaq, tassa silap kissassusaa, pingaartumik ukiuutillugu qerinnartup missaanut nikerartorujussuunissaat. Taamaasilluni aqquserngit inuillu aqqutaat quaaqqisaarnarnerussapput, aammali qimussernermi ajornartorsiortitsissaaq qimmillu aluinut, tassami aputip qaava sermimik qallertassammat, imaluunniit kuuffiit aqquserngillu kuuffiini sermersoornikkut milittoornerusoqartalissammat.

Nalunaarusiorermi inerniliussat:

• Ukiut untritilikkaat naalerneranni ullut masannartuliorferujussuit (10 mm sinnerlugu masannartuliornerit) ukiut untritilikkuutaat naalerneranni pingasoriaammik takkusimaarnerulersimassapput.
• Kiassuseq ukiumi aasamilu qaffassaaq. Taamaattumik ilimagineqarpoq ullut ikinnerusut aasaanerani kissassuseq qerinnarfiup nalaaniittarnissaa ukiuuneranili qerinnarfiup nalaaniikulanerulernissaa. Ukiuunerani silap qerinnartup ullui ukiumut 10-t missaaniik ullut unnuanut 30-t miss. amerleri-assangatinneqarlutik.
• Nunarsuarmi silaannaap kissakkiartornera ilutigalugu Issittumi Ilulissallu immartaata sikusarneri annikilliartulissapput.
• Ukiut untritillit naalerneranni aasami sikoqartassanngilaq,  ukiullu 2031-2050-ikkut qiteqqunnerani aasaanerani siku annikilleriarujussuarsimassaaq.
• Untritilikkuutaat qiteqqunneranni ukiumi sikuusarnera aatsaat annikilliartulissaaq​​​​​​​.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER