Silaannarmiit assilisat takukkit: Ikuallaavik uani inissisimassaaq
Kommuneqarfik Sermersooq qaqqamik qaartiteraluni aallartissimavoq, ilaatigut kommunit ataatsimoorlutik ikuallaavissaat asfaltiliorfissarlu nutaaq inissaqartinniarlugit
Timmisartoqarfissap nutaap kujataata tungaa kommunip akisussaaffigisaanik assigiinngitsutigut suliaqarfiussaaq. Kommunit ataatsimoorlutik ikuallaavissaata asfaltiliorfissallu nutaap saniatigut materielgården tassunga inissinneqassasoq kommunimit eqqarsaatigineqarpoq.
Sermitsiaq.AG-p silaannakkut assilisaatigut takuneqarsinnaasutut , sanaartorfissaq angisoorujussuuvoq.
Suliffeqarfiit allat
Kommunit pingaarnersaannit Katuami qanittukkut ilisimatitsissutigineqarpoq, sanaartorfissaq angisoorsuummat, piffissap ilaani inuussutissarsiuteqartut allat Timmisartoqarfissap kujataata tungaani suliffeqarfimminnik inissiinissamut neqeroorfigineqarsinnaasut. Suliffeqarfiilli soqutiginnittut nunaminertamik tunineqarnissaannut suli piareersimasoqanngilaq.
Ikuallaavissap tassungarpiaq inissinneqarneranut pissutaavoq, eqqagarpassuit kommuninit allanit assartorneqartarnissaa. Tassunga inissiinikkut umiarsualivimmiit ikuallaavimmut sivisuallaamik ingerlaartoqartannginnissaa, aamma tamatuma innuttaasunut sunniuteqaranilu artukkiinnginnissaa.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...