Skip to main content

Silaannaq kissarnerulerpoq, peqqarniinnerulluni isugutannerullunilu

Nunarsuarmi sumiiffinni tamaginni silap peqqarniinnerusumik pissuseqalersoq, WHO-mi sila pillugu nalunaarusiami tamanna erserpoq

World Meteorological Organization (WMO), nunarsuarmi silasiortut kattuffissuata nunarsuarmi silap pissusaa pillugu ukiunut qulikkaanut nalunaarusiaq ’The Global Climate 2001-2010, A Decade of Climate Extremes’, saqqummiuteqqammerpaa, tassani atuarneqarsinnaalluni 2001-2010, 1850-imili uuttortaanerup aallartinneqarnerata kingorna ukiut qulikkaat aatsaat taamak kiatsigisimasut. 

dmi.dk taama nalunaaruteqarpoq.

Naluanaarusiami nunarsuup aamma sumiiffinni aalajangersimasuni silaannaap kissassusaa sialullu kiisami immikkuullarissumik ingasassusilimmik pisoqarfiit, soorlu Europami Ruslandimilu kiarujussuarnera, USA-mi anorersuarujussuaq Katrina, Myanmarimi kiattup anorersuarsua cyklon Nargis, Amazonasimi, Australiami  aamma Afrikap kangiani panernersuit kiisalu Pakistanimi qarsutsinersuit.

Ukiuni 2001-2010 aatsaat taamak kiatsiginerata nassataanik nunarsuarmi imarpissuit qaffassimapput. Nalunaarusiaq naapertorlugu Issittumi sermeq ilanngarujussuarpoq taamatullu Kalaallit Nunaanni Sikuijuitsumilu sermersuit ilanngarnerannit nunarsuaq tamakkerlugu imaq qaffassimavoq.

WMO-p nalunaarusiaa naapertorlugu Danmark, Kalaallit Nunaat aamma Savalimmiut eqqorneqanngitsuunngillat.

- Naalagaaffeqatigiinni nunani pingasuni 2001-2010 aatsaat taamak kiassiorfiutigisimavoq, seniorklimatolog John Cappelen dmi.dk.-mut oqarpoq.

Silaannaap kissatsiffiginerpaasai nunarsuup immikkoortortaani avannarlermi pivoq. Kalaallit Nunaanni silaannaq ukiumut agguaqatigiissillugu 1,7 gradinik kissattarpoq, 1961-1990-imi uuttortakkat agguaqatigiissinneqarnerat aallaavigalugit. Europami Ruslandimilu 2003 aamma 2010 kiarujussuarnermik eqqorneqartut, Politiken allappoq.    

 

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER