Silaannakkut angallassinermi ajornartorsiuteqarneq: Ilaasut 200-t angullugit sunnerneqarsimasut
Timmisartunit Dash 8-nit pingasut ataasinngornermi ingerlasinnaanngillat.
Air Greenlandip silaannakkut angallassinissamik pilersaarutaa ataasinngornermi timmisartoqarfinni arlalinnit taamaatitsiinnarsimanernik eqqugaasimavoq.
Timmisartut Dash 8-t pingasut ajoquteqarnerannit ilaasut 200-t angullugit sunnerneqarsimapput, timmisartut taakku pingasut ataasinngornermi atorneqarsinnaanngimmata.
Attaveqartarnermi pisortap Katja Vahlip Sermitsiaq.AG-mut oqaatigaa, tamatumunnga pissutaasoq "timmisartuni naatsorsuutiginngisamik teknikkikkut aaqqissuussisoqarnera."
- Ilaasussat pineqartut hangarimi sullitanillu kiffartuussivimmi timmisartunut allanut nuunneqarnissaat tamaviaarluta sulissutigaarput.
Timmisartoqarfiit sunnerneqarsimasut
Timmisartoqarfiit uku ataasinngornermi pisumit sunnerneqarsimapput:
- Nuuk
- Kangerlussuaq
- Sisimiut
- Maniitsoq
- Ilulissat
- Paamiut
- Tasiilaq
- København
- Kulusuk
- Qaarsut
- Qaanaaq
- Uummannaq
- Aasiaat
- Upernavik
- Narsarsuaq
Pissarsiffik: Air Greenland
- Ilaasunut tamatumannga eqqugaasunut soorunami ajuusaarpugut, Katja Vahl oqarpoq.
Ilaasussat sms-ikkut malikkulluunniit ilisimatinneqassapput, aamma inniminniinermi norumu nittartakkatigut allallugu imaluunniit Club Timmisap appianut allallugu paasissutissanik pissarsisoqarsinnaavoq. Tamatuma saniatigut taamaatitsiinnarnerit nassataannik arlaannit ingerlaqqissinnaanngikkaanni nittartakkatigut pasissutissanik pissarsisoqarsinnaavoq.
Katja Vahlip oqaluttuaraa, sullitanik kiffartuussivimmi ulapittoqartupilussuusoq, taamaammallu angalanissaq pillugu apeqqutissaqaraanni sullitanik kiffartuussivimmut mailikkut saaffiginninnissaq ajornannginnerusoq.