Silaannakkut angallanneq suliumajunnaartoqarnerani eqqugaassanngilaq
Nunatsinni silaannakkut angallanneq Danmarkimi suliumajunnaartoqassappat eqqugaassanngilaq. DMI-mi sulisut immikkut isumaqatigiissuteqarnerani suliinnarnissaat qulakkeerneqarneratigut tamanna pivoq.
DMI-mi sulisut Danmarkip suliffeqarfiutaani suliumajunnaartoqaraluarpat silasiortut pingasut Kangerlussuarmi sulisuusut suliinnarnissaat immikkut isumaqatigiissutigineqarpoq.
Danmarkimi Angallannermut Kattuffiup aamma Centralorganisationen af 2010-p (CO10) tamanna KNR-imut paasissutissiissutigaat.
Isumaqatigiissut
- Isumaqatigiissummi silasiortut pingasut, Kangerlussuarmi sulisut ilaapput. Silasiortut maajip aallaqqaataaniit sisamaalissapput – taakku Kalaallit Nunaanni timmisartuussinermi silamik ilimasaarinisaqq isumagisaqaraat, taamaammat suliumajunaarnermi ilaassanngillat, Angallannermut Kattuffiup siulittaasua oqarpoq, nangipporlu:
- Kalaallit Nunaanni timmisartuussineq sunnerneqassanngilaq. Danmarkimi akerleriinnermit eqqorneqassanngilaq.
Atlantikoq qulaallugu timmisartuussinerit eqqugaasinnaasut
Atlantikoq qulaallugu timmisartuussinissat akerleriissuteqarnermit eqqugaanissaat ilimanaateqarluartoq KNR allappoq.
Nunatsinni annaassiarnerit akerleriissuteqarnermit sunnerneqassanngillat, tassa isumaqatigiissuteqartoqanngippat akerleriissuteqarneq apriilip 22-anit pinissaa aallartissasoq aarlerisaarutigineqarpoq.