Skip to main content

Silaannaap ujaraata saviminertallip Nationalmuseet eqqoraa

Geologisk Museumip Københavnimiittup aserfallatsaalineqarnissaanut atatillugu silaannaap ujaraa savimmilertalik 3,5 tonsitut oqimaatsigisoq Qaanaallu eqqaaneersoq Nationalmuseumimut nuukkallarneqartussanngorpoq

Kulturikkut oqaluttuarisaanermi Danmarkimi katersugaasiviit annersaat, Nationalmuseet, sisamanngornermi annertungaatsiartumik nuussiviussaaq. Silaannaammi ujaraa savimmilertalik taaguteqartinneqartoq ‘Savik’, 1925-imi Qaanaap eqqaaniit Danmarkimut issittumi ilisimasassarsiortartumit Knud Rasmussenimit aallarunneqartoq, Nationalmuseumimut ukiut ataatsip missaani nuukkallarneqartussangorpoq.

Nationalmuseumip paasissutissiinera najoqqutaralugu silaannaap ujaraa savimminertalik Ny Vestergademiit Nationalmuseumimut Palæhavenimiittumut ullaap tungaani qulinut nuunneqassaaq. 

Atuaruk: Avataarsuata ujaraa Qaqortup avannaanut nakkarsorineqartoq

Silaannaap ujaraata sisamassaat
Silaannaap ujaraa taanna tassaavoq Qaanaap eqqaaniit silaannaap ujaraanik assartorneqarlutik nunanut allanut aallarunneqartut sisamassaat. Amerikkamiup issittumi ilisimasassarsiortartup Robert Pearyp, Knud Rasmussenip silaannaap ujaraanik saviminertalimmik ‘Savimmik’ Danmarkimut aallarussinera sioqqullugu, silaannaap ujarai pingasut allat Qaanaap eqqaaniit aamma New Yorkimut aallarunnikuuai.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER