Sila pillugu sorsunneq

Nunarsuatsinni inuilaane­rusut i­laan­ni 1942-1944 sorsunneera­qar­poq, ake­ra­riinni tamani toqutaasoqarfiusumi. Qimusserluni qooror­tuut atorlugit silasiortarneq sorsussutigineqarpoq...

»Silamik ilimasaarut talliman­ngor­nermi ullup qeqqata tungaanut atuuttussaq...« København-imi Lyngbyvej-imi Meteo­ro­logisk Institut-ip, DMI, il­luu­taani ator­to­ris­­saarutit elektronikkiusut nipi­lior­tuarput.

Piffissami takkuttussami silap qanoq innissaa immikkut ilisimasallit ulapittuartut ullormut arlaleriarlutik siulittuutigiuarpaat. Soor­lu ikkussortagarsuarmik ikkussuiinnartut. Katiterniartussaavaat silamik nalunaarutit qaam­ma­taa­sia­­neer­sut nunarsuarlu tamakkerlugu silasiorfinneersut.

- Danmarkip kitaani avannaanilu si­lap qanoq innera paasissallugu immikkut pingaaruteqarpoq, DMI-mi ilisimatusarnermut pisortaq Leif Lauersen o­qarpoq. - Danmarkip aqagumut silassaa ta­maannga aggernerusarpoq. Ullut mar­luinnaat siulittuutigissagaanni Kalaallit Nunaanni silap qanoq in­nera ilisimasariaqarpoq.

Ilisimasassatut amigaatit

Sorsunnersuarmissaaq taamaappoq. Na­qitsiniisaffiit nillertumik si­laannallit ullumikkutut ingerlaartarfitik ingerlaffi­gaat, pinngortitap piliaanik Nunarsuullu kaa­vin­­ne­ra­nik kitaanit kangimut inger­lan­ne­qartut.

Sorsunnersuaq aallarteqqammersoq qal­lunaat norskillu silasiorfii 1940-mi Tu­nup Avan­naar­sua­nit paasiuminaallisakkanik na­lu­naarasuartalerput. Taa­maa­lil­lu­tik tyskit silasiortui silasiornissaminnut ilisimasassanik amigaateqarlualerput.

Avannaarsuani silasiorfinnit paa­sissutissat piginagit silamik ilimasaarutit na­lor­ni­nar­si­ga­lut­tuin­nar­put. Qaar­tar­tunik nakkaatitsinissanut, sakkutuullu nunasiortut imarsiortullu sumi qaqugukkullu saassussisarnissaasa aalajangernissaat a­jornarsigaluttuinnarpoq.

Paasissutissat pilerngunneqartut pissarsiariniarlugit tyskit Tunup avannaar­suani 1942-mi isertorluinnarlutik silasiorfimmik pilersitsiniarlutik misileeq­qaar­put. Nu­na tamanna timmisartut amerlanerit angusinnaanngilaat, ukiullu ingerlanerani sapaatit akunnia­luin­nannguani imaatigut anga­laf­fi­gineqarsin­naalluni. Taa­maa­lil­lu­ni paasisoortinnis­saq qularnarto­ru­jussuuvoq.

Timmisartulli umiarsuillu angu­sin­naanngisaat qimussip ajorsaatiginngilai

Sila pillugu sorsunneq aallartippoq.

Sorsunnersuup tullia pillugu AG-ip allaaserisai aviisimi atuarneqarsinnaapput. Aviisi uani pisiariuk:

AG Uge 47 2020

Klik her for at læse