Sila pillugu ilisimatusartoq sulinermi ajunaartoq
Sila pillugu ilisimatusartoq Schsweizimeersoq nunani tamalaani ilisimaneqarluartoq, sapaatip akunnerata naanerani sermersuarmi suliaqartilluni ajunaarpoq.
Konrad Steffen Schweizimi upperpassuarnik, apummik nunamillu misissuisarsiffimi pisortaavoq, misissuisarfimmiillu oqaatigineqarluni ”ilisimatuutut piginnaasaqarluinnartoq” aamma ”silap pissusaata allanngoriartorneranik ilisimatusarnermi maligassiuisuusoq”.
Konrad Steffen University of Boulderimi Coloradomiittumi 1984-mi doktorinngortinnqartoq 68-inik ukioqarluni toquvoq, ukiullu 40-t sinnerlugit Kalaallit Nunaata Qalasersuullu Kujalliup issittortaani silap pissusaata allanngoriartorneranik ilisimatusarsimavoq.
Swiss Camp
Ajunaarneq silasiorfiup Swiss Campop eqqaani pivoq, Steffen Konradip 2017-imi Schweizimi præsidenti Doris Leuhard silap pissusaata allanngoriartorneranik paasisaqarusulluni Kalaallit Nunaannukarsimasoq pulaartorisimavaa.
Swiss Camp, Ilulissanit 70 kilometerisut ungasitsigisumiittoq, ilaatigut Steffen Konradimit 1990-imi pilersinneqarpoq, Steffen Konradip ilisimatusarnermini ilaatigut sermersuup aakkiartornera qitiutillugu ssammisimavaaa.