Skip to main content

Sikunut paasissutissanik dorne katersuivoq

Immani sikoqarluartuni angallannikkut isumannaatsuuneq annertusineqarsinnaavoq timmisartuaqqat ungasissumit aqunneqartartut atorlugit, DMI-mi sikunut siunnersuisartoq naliliivoq. COWI-p periuseq misileqqammerpaa

Narsarsuup eqqaani DMI-p ingeniøritullu ingerlatsiviup COWI-p nunatta imartaani sikusiornermut atatillugu dronet atorneqartarnissaannik periarfissat misileqqammerpaat.
Taamatut paasissutissiivoq DMI.dk.
Drone tassaavoq timmisartuaraq inoqanngitsoq ungasissumit aqunneqartartoq, angalaffissaanut aalajangersimasumut programmilerneqarsinnaasoq qulaassaminillu paasissutissanik katersisinnaasoq - assersuutigalugu sumiiffiit assilillugit filmiliaralugilluunniit.
Angallannermi Aqutsisoqarfiup malittarisassai malikkumallugit drone 100 meterinik qullasissusilikkut timmivoq, Narsarsuarmilu mittarfimmit isumannaatsumik ungasissusilimmi.
Kangerluup Qorup, Narsarsuarmit 8 kilometerit missaannik kujasissusilip, paavani sumiiffik annikinnerusoq dronip assiliisullip assilivaa.
Kangerluup paava sikoqakulasarpoq, tamannalu dronip qulaajaanermini paasiniartussaavaa.
Sikut ´ersinngitsut´ takusarpai
Kangerlummi Qorumi timmisartuaqqamik inoqanngitsumik misileraaneq minutsinik 24-nik sivisussuseqarpoq dronilu 15 kilometerit missaannik isorartussusilimmut timmivoq. Aqqutaani 190-inik assilisaqarpoq, kingorna asserujussuanngorlugit katiterneqartunik.
Ukiuni kingullerni Nunatsinni Sikunik Alapernaarsuiffik aamma selskabinut, Avannaani immap sikuani sajuppillatsitsillutik misissuisartunut, ikiuuttarsimavoq.
Allaaserisaq tamaat atuarsinnaavat dmi.dk-mi

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER