Sikuki: Siulersuisut akissarsiaat qaffanneqarnikut atorunnaarput
Sikuki Nuuk Harbourimi namminersorlutik oqartussani pigineqartumi siulersuisunut ilaasortat katillugu akissrsianit 525.000 koruunit annaavaat, taakku immikkut ittumik ukiumut ukiuni kingullerni akissarsiarisarpaat. Ingerlatseqatigiiffiup ileqquusumik sisamanngormat ataatsimeersuarnerani tamanna aalajangiunneqarpoq.
Nuummi talittarfiup nutaap sanaartorneqarneranut atatillugu siulersuisut akissarsiaat qaffanneqarput, taamanikkut Kalaallit Nunaanni attaveqaqatigiinnikkut suliniutip annersarisaata suliarineqarneranut atatillugu suliassiissut pissutigalugu: tassa atlantiku ikaarlugu talittarfik nutaaq.
Siulersuisunut akissarsiat qaffanneqartut siorna ataatsimeersuarnermi atorunnaarsinneqarput, kisianni aasaanerani 2018-imi immikkut ittumik ataatsimeersuartoqarpoq, tassani Namminersorlutik Oqartussat siulersuisunut akissarsiaritinneqartut qaffanneqarnissaat akueraat. Taamatut aalajangerneq politikkikkut aalassatsitsivoq, Partii Naleqqami politikeri Pele Broberg oqaaseqartuulluni.
Sekundinik sivisussusilik
Ippassaq ataatsimeersuarneqarnerani aqutsisup piginnittoq, Lars Balslevimik Naalakkersuisut Siulittaasuata Naalakkersuisoqarfiani siulersuisut allattoqarfianneersumik sinniisuuffigineqartoq, siulersuisut akissarsiaat pillugit immikkoortoq sekundiinnarnik ima oqaasertaqartumik naammassineqarpoq:
- Siulersuisut akissarsiaasa najoqqutassiat malissavai.
Qeqertamit containerinut terminalip piareernerata kingorna talittarfimmi arealit tamarmik naammassineqareersut, ingerlatseqatigiiffiup ukioq naatsorsuusiorfiusoq siulleq naammassivaa.
6 mio. kr.-nik sinneqartoortoq
Akileraareernermi angusat 5,9 millionit koruuniupput, tamannalu aamma naatsorsuutigineqarpoq.
- Nuummi talittarfiup 2016-imi tigunerata kingorna, Sikuki assigiinngitsunik pisarialinnik iluarsaassassanik aamma isumannaallisaanernik suliaqarnikuuvoq. Sikuki 2018-imi aserfallatsaaliinissamut periusissamik aallarnisaavoq, taassuma ukiut ingerlanerini Nuummi talittarfiit tamarmik aserfallatsaalineqarnissaasa pitsaanerunissaat qulakkiissavaa, siulersuisunut siulittaasoq Lars Karlsson siulittaasutut nalunaarummini taama ilisimatitsivoq.
Talittarfitoqqami arealit maanna aalisarnermut aamma takornariarnermut qitiusut aamma taassuma oqaatigaa, taamatullu aamma arealit suliffeqarfinnut inissamik pisariaqartitsisunut attartortinneqartarnerat.
Kaaviiaartitat qaffariarujussuartut
Namminersorlutik Oqartussat ingerlatseqatigiimmik aqutsilluarnissamut najoqqutassai Sikuki Nuuk Harbourip malinniarnagit aalajangersimavoq, tassa pisortat akissarsiaat aamma atorfeqarneranni pissutsit ilisimatitsissutigineqanngimmata. Tassanilu siorna naatsorsuutit assigalugit, pisortat atorfinitsinneqarnerinut atatillugu bonusititsisarnermut isumaqatigiissuteqartoqanngitsoq, akissarsiaqartitsineq aamma atorfeqarnermi pissutsit ”niuerfimmut naapertuuttut”.
Ukioq manna sinneqartoorutit nammineq aningaasaatinut nuunneqarput, taakku 109,5 millionit koruuniupput. Kaaviiaartitat 25 procentinik 2017-imi 43,3 millionit koruuninit 2018-imi 53 millionit koruuninut.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...